2009/02/27

IKASLEEK ERE ITZIARREGAZ EGOTEA NAHI IZAN DABE



Gure andereñoa
dela apartena, ..................
eta bera badoa ................
hemendik kanpora. ..........
Baina agur hau ez da ..........
edozelakoa ........................
bera da guretzako, ................
denetan onena..............

Irakatsi diguzu
zer diren tildeak,
kontatu dizkiguzu
ipuin alaienak.
Poza ematen zigun
tronpeta jotzeak,
baina hobeena zen
zugaz egotea.


(DBH3.MAILA)

2009/02/26

ITZIARRI OMENALDIA OSPATU GENUEN ATZO IKASTOLAN

...........................................Itziar "El Retiro"-ko Pasarelan


Lehenengo Itziar agurra eta
zorionak duda barik
hainbeste urte bete ondoren
ia ezin sinisturik
batzarra hemendik batzarra hortik
gehiago ez holakorik
behin jubilatu ezkero ez da
behar "Pentazitaterik".


Noiz jubilatu behar ete zan
egon jaku irrikitan
bera da hemen protagonista
benetan be gaurko zitan
urteak, hilak eta egunak
kontatu ditu sarritan
beste batzuk be atzetik doaz
ia ia inbiditan.

ENERGIA ITURRIEI BURUZKO ERAKUSKETA

..............................DBH 1.mailako ikasleak erakusketan

EA21 programaren barruan ikasturte honetan energia da gai nagusia; erakusketa ezin hobea dugu horretarako ikastolan, aprobetxatu eta ikusi DBHko 1. mailakoek egin duten moduan.

2009/02/20

INAUTERIEI HASIERA EMAN DIEGU

Gure artean jostunak izan ditugu egun hauetan. Haur Hezkuntzako umeak azkenengo aste bietan ofizio horretan aritu izan dira: patroiarekin ebaki, josi eta apaindu dute euren mozorro dotorea.

TXITXIBURDUNTZI EGUNARI ANTZA EMATEKO TXORIZO ERREA GURE GAZTETXOENTZAT !


Ihauteri aurreko ohiturari jarraituz, umeei eskaini zaie aukera euren txorizotxoa erretako eta jateko. Zer esanik ez dago gustora ibili direla.

2009/02/12

2009-2010 IKASTURTERAKO MATRIKULA

........................................................... ............ikusi PDF-a

Otsailaren 2an, 09-10 ikasturterako matrikula epea zabaltzen da.
Informazio gehiago nahi baduzu, ikusi gure web gunea edo hurbildu zaitez inongo konpromisorik gabe Ikastolako idazkaritzara.

MADARIAGA DORRETXEAN DBH 3.MAILAKOEKIN


(09-2-12)
Madariaga Dorrretxera egindako irteera DBHko 3. mailakoekin laburra, baina, aberasgarria izan da. Munduko eta bereziki Urdaibaiko biodibertsitateaz jabetzeaz gain gure inguruko paisaia erakargarriaz disfrutatzeko aukera ezin hobea izan da.

(Argazki gehiago ikusteko klik egin hemen)

2009/02/04

GERNIKAKO HERRIARENTZAT ABESTU DUGU SANTA AGEDA BEZPERAN

Ekintza honen zergatia gure helburu pedagogikoetan oinarritzen da, hau da, ikasleak hezi euskal kultura eta euskal ohituretan.

Goizez, ikastolako abesbatza osatzen duten ikasleak, LH 5. mailako ikasleak txistua joten, eta DBH 3. eta 4. mailakoak, irakasleen laguntzaz, Gernika-Lumoko kale eta auzoetara atera gara Sta. Ageda bezpera eguneko ohitura jarraituz. Herriko jendeari eskaini zaizkio gure doinuak baina aparteko bisitak egin ditugu Kaltzada , Ibarra eta Torrezuri egoitzetara, bertako jende nagusia animatzeko. Eta benetan, harrera oso ona izan dugu eta bihotzez eskertu digute.

Bestalde, gaur batu den dirua hiru ekintzetarako erabiliko dugu: Ikastolak SOLIVE taldearen bitartez bultzatzen duen 3. Munduarekiko solidaritate proiektuarentzako, DBH 3. mailako ikasleek Esloveniako beste ikastetxe batekin egingo duten elkatrukearentzako eta DBH 4. mailako ikasleek egingo duten zortzi eguneko irtenaldirako.

Arratsaldez Haur Hezkuntza eta Lehen Hezkuntzako 1. eta 2. mailako ikasleak ere, irakasleekin batera, ikastolan eta San Juan Ibarra plazan aritu dira egunari berea emateko.

KANDELERIO EGUNA OSPATU GENUEN EUSKAL OHITURARI JARRAITUZ

Otsailaren 2an arratsaldez, aste guztian gelan letra ondo ondo ikasi eta gero,Ikastolako patioan batu ginen Haur Hezkuntza eta Lehen Hezkuntzako ikasle eta irakasleak Kandelerio abesteko. Ume bakoitzak poz-pozik eta gogoz parte hartu zuen bere kandelatxoa eskuan zuela.