2012/04/27

15:45 SAN FIDEL IKASTOLA

Aratsaldeko 15:45etan, sirena eta kanpai-hotsak.

2012/04/25

KONTAKIZUN LABURRAK

Gure ikasleek Gernikako Bonbardaketaren 75. urteurrenaren ospakizunekin batera euren aittitte-amumen bizipenak zeintzuk izan ziren galdetu eta kontatu dituzte.
Bideo gehiago hemen (+)

2012/04/24

GERNIKAKO BONBAKETAREN 75. URTEURRENEAN IKASTOLAN EKIMEN BEREZIA:



Hain egun seinalatua den apirilaren 26a Gernikarentzat eta inguruko herrientzat, izan da gaur goizeko 10etan, San Fidel ikastolako aretoan, mintzagai. Bertan hurbildu dira Gernikazarrako Vicente del  Palacio historiagilea eta gure ikasle batzuren aitite den Serapio Undabarrena eta San  Fideleko karmeldarra eta  irakaslea izanikoa Irune Uribarri.
Vicenteren azalpen didaktikoek duela 75 urte gertatu zena “ikusteko” balio izan die DBH ko 3. eta 4. mailako ikasleei. Dokumentazio grafiko ugariz hornitu du bere azalpen xumea baina aberatsa eta ondo zuzendua adin horreteako ikasleei. Planteamendu egoki batekin lortu du interesa piztea ikasleengan eta eurek zuzendutako hainbat gelderekin amaitu du bere aurkezpena. Honen atzetik, bai Irunek eta bai Serapiok euren bizipenak ekarri dizkigute gogora azalduz eurek nola bizi izan zituzten 1937.eko apirilaren 26ko ordu luze eta latz haiek, eta baita ere gaineko egun beltzak: milizianoak, tropen sarrera Gernikara, errazionamendua, etxerik ez izatea, erregimen inposatu berriarekin zer zen eskolara joatea, gosea, gertatukoaren eta egiaren ukapena ….eta beste neke handiak.
Euren sentipenak eta sentsazioak ere irudikatu dira euren kontakizunetan, hitzekin ea ere kontatu ezin direnak eta betirako euren gogoan izango direnak: bonben zarata, metralletena, etxeetako eta errefugio hondatuetan entzuten ziren biktimen ohiuak laguntza eske….,etxe erreek oraindik egunetara ematen zuten berotasuna….., Ahaztezinak bai, euren eritziz, eta ez direnak errepikatu behar, eta horretarako argi gelditu da denon artean garatu behar dugula  bakea. Bake mezu honekin amaitutzat eman dugu bizirik atera zirenen eta loben arteko une  hunkigarri hau.

2012/04/22

LURRAREN EGUNA

 informazioa  hemen (+)

2012/04/20

IRTENALDIA BASONDORA


Apirilaren  18an, lau urteko umeekin Basondora joan ginen  animalien  bizimoduak, mugitzeko erak eta abar aztertzera.

BILBAOMETRORA BISITA


Martxoaren 20 eta 21ean LH 5.mailako ikasleak metroa bisitatzera joan ziren. Nafarroa kalean dituzten buleagoak ikusi eta gero, Casco Viejo geltokira joan ginen eta handik Sarrikoraino. Ikasleen artean lau talde egin genituen eta bi talde harako bidean gidariaren kabinan sartu ziren eta beste bi bueltako bidaian.
Bisita amaitu ostean Plaza Berrira joan ginen jaten eta handik ikastolara. Hirurak laurden gutxiagorako hemen egon ginen bueltan, arratsaldeko zereginekin jarraitzeko prest.
Bisita honen helburua garraiobideak ezagutaraztea da eta batez ere orain urte batzuk Bilbo aldatu duena, hau da, metroa. Bulegoetan, trena eta Bilbo arteko erlazioa ikusi genuen bideo batean. Metroa noiz sortu zen eta metroan ibiltzeko jarraitu beharreko arauak ezagutaraztera eman zizkiguten.
Ikasleek oso ondo baloratu dute bisita hau.