2014/12/19

IZAN GAITEZELA ALAITASUNAREN ARGI!!! GABON ZORIONTSUAK DENOI!!!

Gabonetako jaialdiari gogo eta animoz ekin diogu elkartasun giroan. Gabon doinuak izan dira ekitaldia alaitu dutenak  ikasle eta irakasleen dantzek apaindu dutelarik “gabon postala”.  Eta gure Olentzeroren zain egon diren txikitxoenek ere aprobetxatu dute aukera Olentzero agurtzeko eta emateko  eskutitza. 
Argazkiak: 1 - 2 - 3 

GABONETAKO POSTALA

Haur Hezkuntzako umetxoek guraso eta irakasleen laguntzaz eginiko lana izan da aurtongo gabonetako postalaren irudi. Meritu handiko lana!

2014/12/17

KOSTALDEA AZTERTZEN

Azaroren 21ean LH 3 .mailako ikasleak Mundakara joan ziren AZTERKOSTA proiektua burutzera. Azterkostaren bidez gure ikasleek itsasbazterraren berezitasunak ezagutu dituzte. Horrez gain, inguru horren arazoak ezagutu dituzte eta kostaldeko gune naturala babesteko beharraz kontzientziatu dira. Proiektu honen asmoa kostaldearen ahalik eta zatirik handiena aztertzea izan da eta ikasleei beharrezko materiala eman zaie irteera egiteko: mapa, datuak biltzeko galdetegiak, uraren analisia egiteko materiala eta abar. Irtenaldi hezitzailea eta dibertigarria izan da!!!
Argazkiak hemen

2014/12/16

ARGAZKIAK

HH 1 zikloko argazkiak ikusgai dituzue klik bat eginez gero. Animatu eta ikusi zein ondo pasatzen duten ikastolan.

TXOTXONGILOEN INGURUKO SAIO DIDAKTIKOA

Abenduaren 15 eta 16an Lehen Hezkuntzako 1., eta 2.mailakoak Elai-Alai aretora joan ginen Corrado Masacciren erakusketa didaktikoa ikustera. Bertan, Corrado berak azaldu zigun zelan egiten diren txotxongiloak eta baita zelan mugitzen diren. Ikasleek asko disfrutatu zuten.

Badatoz Gabonak!

Gabonak heltzear daude eta hori dela-eta, Lehen Hezkuntzako 1. eta 2. mailakoek hainbat antzerki-saio eskaini ditugu ikastolan eta inguruko eskola batzuetan. Lizeo Antzokian ekitaldi berezia izan genuen.

2014/12/07

2014/12/03

EUSKARAREN EGUNA

Ba al dakizu euskarak 7.000 urte inguru dituela eta galtzeko arriskuan dagoela? Egoera honi aurre egin behar zaio lehen bait lehen.

Euskaldun askok euskaraz hitz egiten dakigu baina askok ez dugu erabiltzen edo bere presentzia txikia da gure elkarrizketetan.  Euskaldunen %37ak bakarrik erabiltzen du hizkuntza bere egunerokoan, hau da, %63k beste hizkuntza bat erabiltzen du hartu-emanetarako.  Egoera honi aurre egin behar diogu!

Lehenengo eta behin, euskaraz dakitenen arreta erakarri eta informatu egin behar ditugu egoera honetaz. Datorren belaunaldia euskaraz hezi behar dugu, euskararen etorkizunaren botere delako.

Euskal Herrira datozen pertsonei euskara irakatsi behar diegu, horrela euskal hiztun gehiago izango ditugu.

Telebista, twitterra, publizitatea, musika, gazteentzako asialdirako jolasak, aldizkariak… guzti horren euskarazko eskaintza aberatsa egotea ere ez legoke batere gaizki.  Horrela euskarari bultzada emango genioke.

Imajinatzen duzue guzti hau lortu eta gure hizkuntzak beste 7.000 urte iratea? Horretarako euskaldun guztion laguntza behar dugu.Geuk dugu soluzioa! Gure esku dago! Leloak esaten duen moduan “Hizkuntza bat ez da galtzen ez dakienak hitz egiten ez duelako, dakienak hitz egiten ez duelako baizik”.

Euskararen eguna izan dadila euskararen aldarrikapenerako aukera.


                        Ane Aurre DBH 3

ETA ZUK ERABILTZEN DUZU EUSKARA?

Euskararen eguna ABENDUAREN 3an dela-eta, DBH 3. mailako ikasleek euskararen erabilera bultzatzeko asmoz  kartel gogatzaile batzuk prestatu dituzte Glogster aplikazioa erabiliz. Adin ezberdinetako hartzaileei zuzenduta daude. 

           
 Pantaila osoan ikusteko jarri kurtsora  irudi barruan eta klikatu ikur hau agertzen den lekuan: >>>>>>>>>>>>>  

                               
                                               

2014/11/07

XXX. MILLA HERRIKOIAN PARTE HARTU DUGU

Joan den azaroaren 1ean ikastolako Lehen Hezkuntzako hainbat eta hainbat ikaslek hartu zuten parte urtero izaten den milla herrikoian. Lehen Hezkuntzako gaztetxoenen artean urduritasuna eta emozioa nagusi izan zen. Denek merezi dute gure zorionik beroena parte hartzeagatik. Eta hemendik animatu nahi ditugu hurrengo ikasturtean ere izena ematera. 

BIODIBERTSITATEAREN INGURUAN LANEAN!

Aurton ere Madariaga dorretxera joan gara LH3. mailako neska-mutilak. Eguraldi ona izan dugu gure ibilalditxoa egiteko. Joan-etorria betiko moduan trenez.

BIZKAIKO INGURUAK EZAGUTZEN!

Urriaren 24an LH 6. mailako ikaskideok Armañongo Parke Naturalera egin genuen osteratxoa. Karrantza aldera hurbildu eta eremu natural paregabe honetako inguruak arakatu ostean, interpretazio zentrua ezagutu, eta irteerari amaiera emateko Pozalaguako koba ikusgarriak ere bisitatu genituen.  Bai egun ederra gurea!

IKASTOLAKO ORTUA BIZIRIK!

Aurten ere ikastolako ortutxoa zaintzen jarraitzen dugu. Gaur LH 5. mailako ikasleak ibili dira babak ereiten, bertako hosto zikuak batzen eta konpostadorara sartzen; baita landatuta dauden piper, mailuki eta beste zenbait landare ureztatzen.

2014/10/30

ARRANO ARRANTZALEARI JARRAITUZ

DBH 3.mailako Urdaibai-diseinu tailerreko ikasleek arrano arrantzalearen ezaugarriak aztertzen aritu dira ikasturte hasieratik. Atzo, urriaren 28an , Urdaibai Bird Center-era joan ziren hirugarren mailako gainontzeko ikaskideekin  eta jarraitu zuten ikasten arranoaren   ohiturak, egiten dituen migrazio bideak etab. Horrez gain, Urdaibain egiten ari diren arrano arrantzalearen berreskuratze-programaren berri ere izan zuten bertatik bertara. Bisita aprobetxatuz hegaztien behaketa ere egin zuten.

SUKARRIETA 2014

Urriaren 24an LH 1. eta 2.mailakoak Sukarrietara joan ginen Txatxarramendi irlako landaretza aztertzen. Bertatik ibilalditxo bat egin eta gero hango parkean egon ginen apur bat bueltako ordua izan arte.

Egun ederra benetan!!! 

HEZKIDETZA


Gure ikastolako Guraso Elkarteak (IGE), GEHILAN 2000 enpresaren bidez ikastola osatzen duen Hezkuntza Elkarte  guztiarentzat  HEZKIDETZA TAILERRAK antolatu ditu.
Eskolaren inplikazioa beharrezkoa ikusten da aurreiritzi sexistak ekiditzeko eta giza-mailan ematen diren gustoko ez diren gertakariak desagertarazteko. Helburu nagusia hezkuntza-elkarte osoa sensibilizatzea izan da  balio-berdintasunaren aurrean, emakumezkoek jasaten dituzten egoera desegokiak baztertzeko.
Helburu zehatzagoak honako hauek izan dira:
  • Gure gizartean dauden genero mailako estereotipoak ikustaraztea.
  • Ikaslegoarengan egon daitezkeen jarrera sexistak  albo batera uzteko gai diren beste jarrera batzuk erakutsi.
  • Ikasle, irakasle eta familien artean berdintasunarekiko konpromesua bultzatu.
  • Ikasleek ikas dezatela sentimenduak adierazten euren  artean, konfiantza, kooperazio eta elkarren arteko laguntza eman dadin.
  • Guraso eta irakasleei tresnak eskaini ikasleen artean koedukazioa bultza dezaten.
Ikastalde bakoitzak  4 ordu eskaini dizkio gai honi. Irakasleek eta gurasoek 2 orduko prestakuntza saioa izan dute. Tailer hauek GEHILAN 2000ko teknikari baten bidez bideratu dira eta esperientzia positiboa izan da. Honela antolatu izan da: HHn berdintasuna jorratzeko tailerrak izan dira. LH 1. eta 2.mailan elkarren arteko erantzukizuna. LH 3. eta 4. mailan, autoestimua bultzatu generoaren ikuspegitik. LH 5. eta 6. mailan, sare-sozialetako genero-indarkeriaren prebentzioa. DBHn, genero-indarkeriaren prebentzioa eta bikoteen arteko harreman zintzoak.  Irakasle eta gurasoentzat, koedukazio mailako balioekiko sentsibilizazio-tailerrak. 

GORA GURE ENERGIA!


Gure Agenda 21eko programarekin lotuta, EDP-ek antolatuta tailer batzuk izan dituzte LHko ikasleek.
Egitasmoaren  helburu nagusiak izan dira energia berriztagarrien iturriak eta baliabide naturalen erabilera eraginkorra izan dadin prestakuntza eskaintzea eta sentsibilizatzea.

Jarduerak eskolan izan dira eta ordu bateko saioak eskaini zaizkie ikasleei. 

2014/10/07

ZIENTZIAREKIN SOLASEAN ! 2014

                
Aurten ere urrriaren  2an  Donostia Internacional Physic Center –ek  (DIPC) antolatutako ZIENTZIAREKIN SOLASEAN !  topaketan parte hartzeko aukera izan dugu
DBH  4.m ko Fisika-Kimika arloko ikasleekin.
Ekitaldi honen helburu nagusia zientzia eta teknologiarekin zerikusia duten ikasketerekiko interesa bultzatzea da.
Aurtengo ekitaldian Fisika Nobel Saria hartu zuen  CLAUDE – COHEN TANNOUDJI-k , Asturiasko Printze Saria den JUAN IGNACIO CIRAC  eta  PEDRO MIGUEL ETXENIKE-k  hartu zuten parte moderatzaile lanetan.
    

AJANGIZ 2014

Irailaren 26an, urtero legez, Lehen Hezkuntzako eguna ospatu genuen Ajangizen. Ia 300 ikaslerekin batera egun zoragarria bizi genuen.  Jolastu, abestu, dantzatu,…Egun ederra benetan!

Datorren urtera arte!!!

2014/06/30

1URTEKO UMEEN ARGAZKIAK

                                          argazki gehiago ikusteko klikatu hemen

ALCOHOLICOS ANONIMOS TALDEKO HIRU KIDEK BISITATU GINTUZTEN

DBH 3. mailako ikasleek aukera izan zuten alkoholak sortzen dituen arazoez jabetzeko. Alcohólicos Anónimos taldeko partaide diren hiru pertsonek euren azalean esperimentatutako bizipenak entzun zituzten eta benetan interesgarria eta gogorra iruditu zitzaizkien ikasleei testigantzak. 
Alkoholaren ondorioak eta arriskuak lantzeko  esperientzia paregabea.

2014/06/27

“NOLA IKUSTEN DUZU EUROPA?” EKIMENEAN BI FINALISTA IZAN DITUGU.

EUROBASKek egindako deialdian hartu dugu parte eta OLATZ SILVA eta OLATZ CALOCA izan ditugu finalistak!!!   “Nola ikusten duzu Europa?” izan da aurtongo deialdiaren izenburua. Ekainaren 12an, 17:30ean, Bizkaia aretoan  batu ziren finalistak sari banaketa ekitaldian.

EUROBASKen helburu nagusia da, batetik, bere baitan diren herrien aniztasuna errespetatuko duen Europar Batasun bat eratzea  eta, bestetik, Euskadin, Europako herrien, nazionalitateen eta eskualdeen arteko harremanak bultzatu eta sakontzea, Europar Batasun horren alde.

EUROBASKek, europar nortasuna sustatzeko lana indartuz, erabaki zuen 2007an Francisco Javier de Landaburu Primus saria sortzea.

Ekimen horren xedea da belaunaldi gazteengan ilusioa piztea, Europar Batasunaren berri izan dezaten eta ezagutu dezaten 500 miloi lagunek partekatzen duten proiektu hori: bakerako, askatasunerako, demokraziarako, aurrerakuntza ekonomikorako eta elkartasunerako proiektu ziraragarria.

Deialdi honetan  parte hartu duten beste ikasle batzuk honako hauek izan dira:
Naroa Arandia, Lucía Aratxederreta, Tsaina Blanco, Saira Caloca, Maite Etxebarria, Uxue Guerrero, Jone Otazua, Irati Unzueta eta Nerea Vázquez.

2 URTEKO UMEAK EUROPA PARKEAN

2 urteko gelakoak  Europako parkera irteera egin genuen.  Eguraldi  bikaina lagun, udaberriko lorak eta bertako kolore bizitasunaz gozatu genuen. Bertan, ahateak eta dordokak ikusi genituen hauei ogi puxkak botaz.

Goiz horretako argazkiak ikustera animatzen zaituztegu!!

LH 5 eta 6. MAILAKKO IKASLEAK LEKEITIORA!

Ekainaren 4an, LH 5 eta 6 mailakoak Lekeitiora joan ginen egun pasa.
Ikasturteari amaiera emateko era hoberik ez dugu oraindik aurkitu eta hara joan ginen nahiz eta eguraldiak asko lagundu ez. Egun zoragarria izan genuen!!!

SARE SOZIALEN INGURUKO PREBENTZIO HITZALDIA

Ikasturte amaiera honetan LH 6. mailako eta DBH 1. mailako ikasleek sare sozialen arriskuei  buruzko hitzaldia izan zuten. Ertzaintzako arlo honetako arduradun bi etorri ziren azaltzeko zein neurri hartu behar diren Internet eta Sare Sozialak erabiltzerakoan nork bere burua eta bere datu pertsonalak babesteko.

2014/06/25

DBH 4. MAILAKO IKASLE ETA GURASOEI AGURRA

DBH 4. mailako ikasle, guraso eta ikastolako hainbat irakasle bildu ginen  ekitaldi honetan. Xede nagusia Ikastolak  eskerrak ematea zen hainbeste urtetan gurekin izateagatik.  Ikasleek prestatu zuten euren hitzalditxoa argazkiez eta zuzeneko musikaz hornituz.  Irakasleek ere abestu zituzten bertso batzuk gurasoentzako eta ikasleentzako eta zuzendariak ere ikastolaren izenean bere esker-ona azaldu zuen. Eta azkenik, pintxo gozo batzuk …

2014/06/18

SAN FIDEL IKASTOLA BRITISH COUNCIL-EKO ZENTRU LAGUNTZAILE

Ekainaren 12 eta 14  ikastolan British Council-eko  KET eta PET azterketa ofizialak burutu ahal izan dituzte nahi izan duten ikasleek, bai ikastolakoek eta bai Gernikaldeko eta eskualdeko gazteek.
Azterketa hauek Cambridgeko azterketa ofizialak dira eta ikastolak  British Council-ek eskatutako baldintza guztiak betetzen izan dituenez, euren zentro kolaboratzaile izendatu gaituzte.

IKASTOLAKO EGUNA OSPATU GENUEN EKAINAREN 7an

Urtero bezala bildu ginen  ikastolan jai giroan  agur esateko ikasturteari.  Guraso Elkarteak  antolatutako jaialdi honetan protagonismoa izan zuten Eskolaz Kanpoko Ekintzetan aritutako ikasle eta monitoreek. Euskal dantzetatik hasita, kirol-taldeetako partaide izan ziren ikasle guztiak batu ziren. Baita Robotix-ekoak. Horrez gain, dantza modernoko txikitxoen eta baita judo edo Kung-Fu-koen erakustaldiak izan genituen.
Solidaritate proiekturako laguntza batzeko euskal produktuez osatutako otzara bat ere zozketatu zen.
Puzgarriak, jokoak, dantza, paperezko jantziak … izan ziren jaiari kolorea eman ziotenak.  

2014/06/13

LEHEN HEZKUNTZA 3. eta 4. mailako IKASTURTE AMAIERAKO BIDAIA

Egun zoragarria izan  dogu !! Miramoneko zientzia-teknologia parkean egon eta gero Zarautzeko hondartzara joan gara jaten eta jolasten.

IPUIN MUSIKATUA, ANTZERKIA ETA DANTZA

Aurten ere Lizeo Antzokian bildu ginen  gure ikasleek prestatutako emanaldiaz gozatzeko.
Haur Hezkuntzako txikitxoek euren dantzarekin eman zioten hasiera ekitaldiari. Jarraian Lehen Hezkuntzako 6. mailako ikasleek  Lan baten bila antzerki-lana eskaini ziguten. Eta azkenik, abesbatza osatzen duten 3. mailatik eta 6. mailara arteko ikasleen eskutik  Jostailugilea  ipuin musikatua entzuteko aukera izan genuen. 
Ekitaldi ederra eta eskertzekoa lanean aritutako ikasle eta irakasleei. 

EZAGUTZEN DITUZU BERBA HAUEK?

Euskararen astean zehar, hainbat ekitaldiren antolaketaz gain, DBHko ikasleei eta gurasoei gonbidapena luzatu genien erabili bai, baina gero eta gutxiago entzuten ziren hitzen bilketa bat egiteko.
Hitz horiek DBHko solariuetako horma-irudietan idatzi genituen eta baita idazkaritza ondoko horma-irudian.
Eskerrik asko parte hartu duzuen ikasle eta gurasooi..
Asko gehiago jaso ditugu baina hona hemen batu diren hitzetariko batzuk:

ugerdo            karrajue         zatarra            parakatxa       ahuspez

sorkidxe         kasketaldi      gangarra         tatarrez           erropak iruntzitara ….

2014/06/05

ARRIAGA, AKARLANDA

Ekainaren 2an LH 1. eta 2.mailakoak Bilboko Arriaga Antzokira “Jostun ausarta” ipuin musikala ikustera joan ginen. Horren ostean,  Erandioko Akarlanda parkean eman genuen arratsaldea, bertan bazkaldu eta jolasten.
Egun ederra benetan!!!

2014/05/29

LH 3.maila GERNIKA EZAGUTUZ

Gernika ezagutzen dugula badirudi ere, badaude hainbat gauza ez dakizkigunak. Horretarako gaur Gernika ezagutzera joan gara. Ikasleek hainbat jarduera egiteko aukera izan dute, besteak beste,  Jaia Alai frontoia, Gernikako juntetxea, Don Tello plaza, Picassoren “Guernica” koadroaren replika eta Europako Herrien Parkearen inguruan aritu gara informazioa jasoz. Ikasleek goiz paregabea igaro dute.

IKASIZ GOZATU!

Hori da gure LH 4. mailako ikasleek bizi izan dutena aurreko astean. Sukarrietako Saiakuntza Zentroan egon dira aste betez.

Bertan LURRA eta BASOA proiektuetan murgildu dira .Oro har esperientzia bikaina izan da, lagun berri mordoa egin dituzte eta benetan egonaldi aberasgarria izan da.

2014/05/23

BERRIRO HELDU ZAIGU STA. JOAKINA JAIA

Karitateko Karmeldarren sortzaile izandakoaren omenez ospatzen dugu jai hau. Bide batez, DBH 4. mailako ikasleek ikastolari agur esateko aukera izaten dute. Aurton ere jolas eta jai giroan bizi izan dugu ospakizuna. Eguna motel eta euritsu ari bazaigu ere, eguzkiari erregu egin eta etorri zaigu. Danborradako sukaldariek ere euren danbor-hotsez alaitu gaituzte. Sandwich, tortilla eta txokolatezko tarta artean ibili gara, kirol ekintza eta dantzarekin tartekatuz.

2014/05/22

EUSKARAREN ALDEKO KONPROMESUA BERRETSI DUGU

Euskararen asteari amaiera eman nahi izan diogu euskararen aldeko konpromesua aldarrikatuz. Mailaz maila, talde bakoitzak hitz batez laburtu du bere asmoa: BIZTU, GOGOZ, MAITE, EKIN, BIZI…
Globoetan idatzi dute hitz hori eta denon asmoak baturik, aireratu nahi izan dugu EUSKARA GURE AHOAN behar dugula.

OIHAN VEGA DJ EZAGUNA IZAN DUGU IKASTOLAN

Euskararen asterako programazioaren barruan aurreikusita zegoen  DBH 3. eta 4. mailako ikasleei eskaintzea IRRATI DIDAKTIKOA deritzon saioa.
Oihan Vega aurkezla ezagunak zuzenean ikasleei klase dinamikoa eskaini zien euren parte-hartze aktiboa bultzatuz.  Saioaren helburuen artean zegoen ikasleek ikustea irrati bat nola egiten den; baita eurek entzuten duten musikaren inguruko hausnarketa egitea. Horrez gain, gogoeta bat egiteko aukera eman zuen  euskarak komunikabide ezberdinetan duen presentzia eta hedabideek gure hizkuntzari ematen dioten tratamenduaren inguruan.

IPUINEZ GOZATU DUTE HAUR HEZKUNTZA ETA LEHEN HEZKUNTZAKO IKASLEEK.

Antzina sutondoan biltzen ziren aitita-amumak ipuinak kontatzeko. Aste honetan, ikastolan taldeka batu izan dira  HH eta LH 1. eta 2. mailako ikasleak ipuin kontalari baten inguruan kontatu dizkien istoritxoez gozatzeko. Adi eta gustora egon dira fantasia munduan.

ATHLETIC-EKO JOKALARIAK LEHEN HEZKUNTZAKO IKASLEEKIN.

Euskararen asteko ekitaldien artean, Athletic-eko jokalariak izandako eta diren Mendiguren eta Etxeitaren bisita izan genuen.
Ikasleak pozez txaloka hartu zituzten. Bakoitzak futbolean izandako ibilbidea azaldu zuen eta gero ikasleek galderak egiteko aukera izan zuten.
Aipatu beharrekoa da jokalariek zoriondu egin gintuztela ikasleek egindako galderen maila onagatik.
Amaitzeko …argazkiak  eta autografoak denentzat.

EUSKALCHEF: GURE UMEAK EUSKADIKO SUKALDARIRIK ONENAK!

Irin eta masa artean pozik aritu ziren ume eta guraso erroskilak egiten. Tamaina eta forma guztietakoak atera zitzaizkien. Baina  DANAK GOZO-GOZOAK!! Euskararen asteari gozotasun apur bat emateko. Berriro egiteko prest ditugu.


Hona hemen errezeta animatzen bazarete:

OSAGAIAK:

  • 2 arrautza
  • Legamia sobre bat.
  • Oliba  olioa 50 ml
  • 100 gr azukre eta beste azukre apur bat gehiago erroskilak egin ostean gainetik botatzeko.
  • 100 ml anis.
  • 400gr irin

ZELAN EGIN:

  • Ontzi batean arrautzak bota eta irabiatu apur bat.
  • Gehitu segidan olioa, esnea eta anisa. Ongi irabiatu osagaiak ondo nahas daitezen.
  • Gehitu azukrea eta legamia. Azkenik, irina gehitzen joan (onartzen duena, orea eskuetan itsasten ez den arte).
  • Hasi erreoskilei forma ematen.
  • Amaitzeko, jarri olioa berotzen eta frijitu erroskilak. Frijitu ondoren ontzi batean utzi. Oraindik bero daudela, bota azukrea gainetik. 

2014/05/21

EUSKARA ZURE AHOAN!!

Euskararen erabilera egoera informaletan areagotzeko helburuz prestatu dugu EUSKAREN ASTEA. Euskara zure ahoan izatea  nahi dugunez,  hori da gure leloa.
Maiatzaren 19an hasiera eman genion EUSKARAREN ASTEAri.  Horretarako HH 3 urtetik eta DBH 4. mailara arteko ikasle eta irakasleok elkartu ginen pregoia entzuteko.
Jarraian liburuak domino fitxak balira bezala erabiliz, Euskalherrian Euskaraz leloaren ikurra osotuta genuen.
HH3 urteko eta DBH 4. mailako ikaslerik gazteenak izan ziren arduradunak lehenengo liburua behera botatzeko.  Denok ixil-ixilik egon ginen, artega jakiteko ondo aterako zen liburu-dominoa behera botatzea.  Eta bai! Txalo artean bukatu genuen ekitaldia . Astean zehar euskararen alde egingo genuela  eta HH eta LHko geletako termometroek gora egingo zutela hitz eman genuen.