2014/03/25

DBH3.MAILAKO IKASLEAK HOLANDAN

..........................................................Argazki gehiago hemen
Facebooken ere bagaude. Klikatu hemen.

2014/03/21

DBH 2. MAILAKO IKASLEAK PEÑAS NEGRASEKO INTERPRETAZIO ZENTRUAN ETA LA ARBOLEDAN

La Arboledako historia eta istorioak ezagutzeko unea izan zuten DBH 2. mailakoek, Peñas Negras Interpretazio zentruko giden eskutik. Bizkaiko meatzen hasieratik  Labe Garaien  sorkuntzara arte burdinak izan duen garrantzia eta nola moldatu duen bertoko industria  aztertzeko leku aproposa.

Eta aspaldiko partez eguraldi ederra izan genuen!!!

ORTU EKOLOGIKOA

LH 5. mailako ikasleek EKO-OIZ elkarteko monitoreekin landu dute ortu ekologikoa. Lehenik kontzeptu teorikoak landu dituzte arbel digitala erabiliz eta jokuen bitartez. Eta gero, nahiz eta eguraldiak lagundu ez,  kultibo-mahaian landatu dute eta ortu bertikala ere prestatu dute. Honexek dira landatutakoak: letxugak, tipulak, tipulinak, azak, indaba baltzak, aguakateak eta mangoa.

ELIKADURA BURUJABETZARI BURUZKO JARDUNALDIAK

Martxoaren 13an ikastolako ikasle gehienek parte hartu dute Elikadura burujabetzari buruzko ekintza ezberdinetan HH tik hasita  DBHra arte.
Ziklo bakoitzak bere mailara egokituta landu ditu elikagaien jatorria, sasoikoak diren produktuak, ekologikoak direnak  eta zer edo nola kontsumitzen dugun.
DBHko 4. mailako ikasleek aurkezpen bat prestatu dute elikadura burujabetasunari buruzko oinarrizko kontzeptuak azaltzeko, ikasturte honetan gai honen inguruan  FISC-eko programa bat burutzen ari baitira.  Horrela eurek landu dutena ikasle txikiagoei  azaldu diete.

2014/03/20

IBILBIDE GEOLOGIKOA OÑATIN

Azteazkenean Oñatiko Natur Eskolara joan ziren DBH 1. mailako ikasleak. Bertan ibilbide gidatu bat burutu zuten gelan ikusitako geologiako hainbat kontzeptu teoriko modu praktikoan ezagutuz. Kobazulo batera ere sartu ziren, aztarnategi garrantzitsu izandako kobazulo batera, hain zuzen ere. 

FRUTEN DASTAKETA

Kaixo denoi!!!  Bi urteko umeen hezitzaileok  gura dugu zuek ikustea umeek zelan aztertzen, esperimentatzen eta  jaten dituzten kolore eta zapore  desberdineko frutak.  

2014/03/07

“HARRI BITXIAK” TALDEA DUGU ESKOLAZ KANPOKO HAINBAT EKINTZA ANTOLATZEN

Ikasturte honetan “Harri Bitxiak” taldeko kideek hainbat ekitaldi antolatu dituzte ikastolan. Abenduaren 15ean Xakuto Jaia ospatu genuen. Ondoren, otsailaren 23an Txitxiburduntzi eguna. Jai hauek lehen hezkuntzako umeei zuzendutakoak izan ziren. Jai hauetan hainbat jolas eta ekintza egin genituen eta primeran pasatu genuen! Bertan goizetik arratsaldera arte izan ginen eta haurrek janaria etxetik ekarri zuten! Ezin hobeto atera ziren jaiak! Azkenik, martxoaren 1ean, Inauterietako jaia ospatu genuen:Denok mozorroturik joan ginen eta bertan Lehen Hezkuntzako umeez gain, Haur Hezkuntzako 4 eta 5 urteko haurrek ere parte hartu zuten.  Arratsaldeko 3:30etatik 6:30etara bitarteko jaialdia izan zen. Giro itzela bizi izan genuen. Umeak ilusio handiz ibili ziren.

 Jai hauek antolatu dituen taldea, “Harri Bitxiak” da. Lehen izandako Goizeko Izarra taldeko kideez osatuta dago, 16-24 urte bitartekoak, eta oso pozik geratu dira egindako lanarekin. Eskerrik asko  parte hartu duzuen denoi!

MADARIAGA DORRETXERA BISITA

Otsailaren 24an Lehen Hezkuntzako 3.mailako ikasleak Madariaga Dorretxera joan ginen eta bertan, hainbat jarduera burutu genituen. Hasteko, iritsitakoan, padura aztertu genuen, bertako biodibertsitatea hurbil-hurbiletik landuz. Besteak beste, hegaztiak aztertu genituen, landareak identifikatu eta sailkatu. Horren ostean, ikasleek, “biogymkana” bat egin zuten eta horren ostean, behin dorretxean bertan paduraren erabilera ezberdinak ezagutu zituzten. Bazkal ostean bertako zibuetaz eta laberintoaz gozatzeko aukera paregabea izan zuten, eguraldiak lagundu zigun-eta!