2016/12/25

GABONETAKO ZORION-POSTALA

Aurton DBH4. mailako ikasleek parte hartu dute  zorion-postalaren diseinuan. Benetan ederrak dira prestatu dituzten lanak. Gabonetako postal irabazlearen egileak, Izaro Peñalba Horna, Olatz Arejita Abaitua eta Leire Gordo Badiola dira.

Zorionak hiruroi!

2016/12/22

GABON JAIALDIA EGUBERRIEI HASIERA EMATEKO

Beste ikasturte batez elkarrekin ospatu dugu Gabonetako ekitaldi nagusietariko bat. Gabon-kanten doinuek alaitu dute giroa eta dantza-kolorez apaindu dute ikasle eta irakasleek ikuskizuna. Olentzero agurtuz  zorion artean, urte zaharrari agur esan diogu.  

ILUNTZARRERA JAIOTZA IPINTERA

Joan den abenduaren 18an ikastolako hainbat eta hainbat guraso eta seme-alaba elkartu ginen Iluntzarrera joateko jaiotza ipintera.  Gernikako Goizale mendi-taldeak antolatutako ekintza honetan partehartze esanguratsua izan genuen eta  goiz zoragarria pasatu genuen, eguraldia ere lagun izan genuelarik. 

2016/12/21

GABONETAKO EKITALDIA LIZEO ANTZOKIAN

Joan den abenduaren 14an aukera izan genuen Gabon giroko ekitaldia ikusteko.  Dantza, txistu,  antzerki eta kantaz hornituriko saioa eskaini ziguten Lehen Hezkuntzako ikasleek. Eta ama,aita, amuma, aititak….pozik txalotzen. Lan bikaina!!

GERNIKA KESB TALDEKO NESKAK IKASTOLAN IZAN DITUGU

Joan den astean Gernikako Saskibaloiko Nesken gorengo mailako taldean dauden  bi jokalari  izan genituen ikastolan. DBH 2. mailako ikasleek saskibaloiko talde profesional baten dinamika apur bat ezagutzeko aukera izan zuten eta baita jokalarien ibilbide profesionalaren inguruko xehetasunak ezagutzeko. Prestatuta zuten aurrez aurreko elkarrizketa. Kanpotarrarekin ingelesez aritu ziren eta bertokoarekin euskaraz. Saioari amaiera emateko ikasleak eta jokalariak elkarrekin aritu ziren saskibaloian.

Gernikako saskibaloi mundura hurbilketa bat!

EITB eta ARTE EDERRETAKO MUSEOA



Urtero bezala aurten ere EITBko egoitzara joan dira DBH 4. Mailako ikasleak. Bertatik bertara instalazioen funtzionamendua eta bertako langileen zereginak ezagutzeaz gain, aurten, Carlos Ruiz Zafón idazle ospetsuaren elkarrizketa zuzenean entzuteko aukera izan zuten.


Arratsaldean Bilboko Arte Ederretako Museora joan ziren eta bertan arte-lanak ikusteaz gain hondakinen berrerabilera nola aprobetxatzen den arte-lanetan ezagutzeko aukera izan zuten.

2016/12/06

GURE TXIKIAK ERE EUSKARAREN ALDE



Ikastolako txikienek ere euskararen eguna ospatu zuten




IPUIN KONTALARIA 3 URTEKO UMEEKIN


Haur Hezkuntzako 3 urteko umeak ipuin kontalariaren istorioekin gozatzen. 




DURANGOKO AZOKA


Abenduaren 2an, DBH1. mailako ikasleek Durangoko Azoka bisitatu zuten. 

2016/12/03

BERTSO SAIOA

Azkenik, arratsaldeari amaiera emateko upielako bertso saioa izan dugu . Ander izan da saioaren “komandantea” eta bere esanetara Aitor Etxebarriazarraga, Unai Agirre eta Ibai Amillategi ikasle ohiak egon dira. Gure eskerrik beroenak eurei.

ANDER ELORTEGIREN HITZALDITXOA


DBH 3. mailako ikasleek Ander Elortegi bertsolaria eta bertsolaritza maisuaren hitzalditxoa  entzuteko aukera izan dute.  Bere bizi ibilbidean euskarak duen garrantzia azaldu digu eta euskaraz bizitzera animatu gaitu.



HAMAIKA ORDUKO IRAKURRALDIA

Abenduaren 1ean, eta euskararen eguna ospatzeko ekintzen artean, gure DBH 4. mailako ikasleek Berbalagunek antolatzen duen hamaika orduko irakurraldian parte hartu dute.

2016/11/28

EUSKARAREN ASTEA 2016

Datorren zapatuan, abenduak 3, Euskararen Nazioarteko Eguna ospatzen dugu. Hori dela eta, programa zabala antolatu dugu ikastolan eta azaroaren 28tik abenduaren 2ra arte makina bat jarduera egingo dugu : ipuin kontalariak, kartelak irudikatu , euskarari buruzko bideoak ikusi eta gure konpromezuak idatzi, karaokeak, bertsolari saioak, Durangoko azoka bisitatu…
Barikuan, asteari amaiera emateko, kiroldegian batuko gara eta euskararen aldeko manifestua irakurri eta gero, ikastolako koruak abestuko du . Ostean , txokolatada egingo dugu eta etapa desberdinetako lanak ikusteko aukera izango dugu.

EUSKARAREN ALDEKO MANIFESTUA
Euskaraz bizi nahi dugu gure hizkuntza delako, euskaldun sentitzen garelako, euskaldunak garelako eta izaten jarraitu nahi dugulako. Euskara izateko modu bat delako eta IZAN nahi dugulako . Baina danon laguntza behar da IZATEKO, bakar batzuren ahalehinekin ezin izango gara urrunera joan.
Euskara kalera, plazara atera behar dugu; oraindik hazi egingo den etxeko haur txikia bezala babestu behar dugu .
Etorkizunean euskara IZATEA nahi badugu , albokoari edo kanpokoari galdetu beharrean, geure buruari galdetu beharko diogu: Nik zer egiten dut euskara plazara, dantzara ateratzeko?
Ez ahaztu: Euskararen herria, euskaraz gara. Ez dago beste biderik. Hori da gure erronka.
Plazara, Euskara
plazara!
Euskaldun irakasle
Eta ikasleok, dantzara!
Plazara, dantzara!
Geure herriaren
geroa baikara!

2016/11/11

GURE SEME-ALABEN AUTONOMIA

Nola bultzatu dezakegu gure seme-alaben autonomia?

Galdera honi erantzun nahian antolatu ditugu azaroan hitzaldi bi.
1.      EUSKARAZ. Azaroaren 11an, ostirala, arratsaldeko 17:30etan ASTRAn.
2.      GAZTELERAZ. Azaroaren 25an, ostirala, 17:30etan ELAI-ALAI txikian.
Nola hautsi dezakegu jaiotzan mozten ez den zilborrestea? Nola gainditu ditugun beldurrak? Nola egin menpekotasunetik autonomiara dagoen bidea? Nola animatu gure seme-alabak? Kezkak albo batera utzi eta gehiegizko babes geruza hautsi beharko genuke? 

Eskola bidea. Kalean haurren autonomia sustatzeko tresna.

Gernikako osasun sarearen eskutik Txabi Txakartegi (pediatra) izango dugu hizlari. Zatoz eta entzun! Gero zuk erabaki!

Eskola Bidea Lantaldea

2016/09/29

AJANGIZ 2016

Aurton ere, urtero legez, ailegatu zitzaigun Lehen Hezkuntzakoei Ajangizera joateko eguna. Eguraldi zoragarria aurten izan genuena! Goizean freskotxu baina egunean zehar gogor jo zuen eguzkiak . Egun polita igaro zuten gure ikasleek. Bertara heldu eta hamaiketakoa jan ostean, jolasean aritu ziren gure ikasleak. Gero, bazkaldu eta berriro ere arratsaldeko ekintzen txanda heldu zen: jolas gehiago, dantzaldia… Primeran!
Prest gaude datorren urtean errepikatzeko!!!

DONEJAKUE BIDEA (BIDEOA)

2016/06/16

DONEJAKUE BIDEA 4



4. ETAPA: GARES- LIZARRA

Gure erronka zena lortu dugu!! Biharamun itzelagaz hasi dugu bidea Garesen. Zein lo gutxi egin dugun!
Baina 25km egitea posible izan da. Gure kredentzialek badituzte jadanik hainbat zigilu. Orain euren esku uzten dugu kredentziala betetzea hurrengo etapak burutuz! Hala izan dadila!

Argazkiak hemen:

https://picasaweb.google.com/103843651269841071020/6296820726184985905

https://picasaweb.google.com/103843651269841071020/6296834650916742833
ikusi xehetasunak hemen:
http://es.wikiloc.com/wikiloc/view.do?id=13708182

2016/06/14

DONEJAKUE BIDEA 2







ZUBIRITIK IRUÑARA BIGARREN EGUNEAN

Lo gutxi egin ostean, goizeko 9:00etan atera gara Zubiritik. Erreka ondotik ibilbide benetan ikusgarriaz gozatzeko aukera izan dugu. 22 km egin ostean, Iruñako harresiak ikusi ditugunean, zein harro egon garen izertza eta esfortzuaren ostean helmugan geundelako. Eta dutxa gure zain zegoelako!!
Argazkiak:



Ikusi xehetasunak hemen:
http://es.wikiloc.com/wikiloc/view.do?id=13708090

2016/06/13

DONEJAKUE BIDEA I



ORREAGATIK LIZARRARA ARTEKO DONEJAKUE BIDEARI EMAN DIOGU HASIERA.

Lehenengo etapa honetan Orreagatik Zubirira dauden 21,5 kilometroak burutu ditugu. Euriarekin hasi dugu eguna baina arratsalderako eguzkia agertu da. Apur bat nekatuta baina pozik. Eta orain afaldu ostean, indarrak berreskuratu eta biharko berriro martxan. Aurrera neska-mutilak!




ikusi xehetasunak hemen:
http://es.wikiloc.com/wikiloc/view.do?id=13708034

2016/06/10

4. mailako ikasleen agurra

Atzo, ekainak 9, agurra egin genien gure DBH 4. mailako ikasleei.
Ikasleak, gurasoak eta irakasleok batu ginen eta momentu hunkigarriak bizi izan genituen hainbat eta hainbat urtetako anekdotak entzun eta irudi zoragarriak ikusi eta gero.
Gure eskerrik beroenak gure ikasleen gurasoei, euren seme-alaben heziketa gure eskuetan jarri dutelako.

Zoriontsuak izan zaitezela !!!

2016/06/08

BIDE ONETIK GOAZ¡¡¡¡¡¡¡¡¡¡¡

Eskola bideko  proba pilotoko lehen eguna ederto joan da.
Eguraldiak lagundu du eta bidea ezagutzeko aukera izan dugu.
Ikasle guraso , irakasle denok batera ESKOLA BIDETIK etorri gara ikastolara.
Eskerrik asko guraso eta irakasle bolondresei.

BIDE ONETIK GOAZ¡¡¡¡¡¡¡¡¡¡¡


2016/06/06

GOSEAREN AURKAKO LASTERKETA

San Fidel ikastolako ikasle eta irakasleok II. aldiz bildu gara gosearen aurkako lasterketa ospatzeko. “Acción contra el Hambre” GKEarekin elkarlanean aritu gara sentsibilizazio lana aurretiaz eginik eta erakunde horretako kide bat, Madriletik ikastolara etorri zen, ikasleei munduko beste herrialde batzuetako egoera larria erakusteko. Hori egin ondoren eta material bereziak landu ostean, maiatzaren 12an lasterketa egin genuen. Hurrengo egunean, ikasle, irakasle, eskolako langile eta famili guztien diru-laguntza jazo genuen. Hartu dugun laguntza, guztira, 3.163,66 euro izan dira. Diru-laguntza hori, Haitira botako dugu bertan komunak eta iturriak eraikitzeko eta familia askok jatekoa eduki dezaten. 

2016/05/27

ERASMUS +

Maiatzaren 8tik 14ra  Erasmus + izeneko proiektuan parte hartu izan dugu.  Landutako gaia “nerabeen kezkak” izan da. Alkatearen ongi-etorria entzun ondoren, egun hauetan zehar  egindako ekintzak hauexek izan dira: elkar ezagutzeko jolas batzuk,  tabletekin gaia  landu, Laidan joku kooperatiboak landu, Guggenheim Museoa bisitatu,  gosearen aurkako lasterketan parte hartu, Astran musika eta dantzak landu eta  Bake Museoko bakearen tailerra burutu.  Azken eguneko ekintza mural batzuk margoztea izan zen aste osoko lana laburbitzeko. Lanari amaiera emateko, guraso, irakasle eta DBH 2ko ikasle guztiok  merienda izan  genuen eta asteko gorabeherakin batera negarrak eta barreak uztartu ziren. Hurrengo egunean,  zapatuan,  bakoitza bere herrialdera bueltatu zen. 

http://www.deia.com/2016/05/27/bizkaia/costa/la-ikastola-de-gernika-se-abre-a-la-docencia-europea

http://busturialdea.hitza.eus/2016/05/26/aurreiritziak-apurtzen-dabiltza-san-fideleko-ikasleak-erasmus-programarekin/


2016/05/20

FURRA, FURRA ….! HAU GIROA, HAU!

Sta Joakina eguna  primeran ospatu dugu. Ohitura den moduan, sukaldaritza izan da protagonista nagusia, kirola, jokoak eta dantzak tartean izan badira ere. Patata-tortillak, sandwichak, pastelak…. Eta guztia girotzeko gure Lehen Hezkuntzako 1. eta 2. mailako danborlariak!

STA JOAKINA 2016

Sta Joakina eguneko argazki guztiak hemen:
Argazkiak 1
Argazkiak 2
Argazkiak 3
Argazkiak 4

2016/05/19

EUROPA PARKERA BISITALDIA

Ikasturte honi bukaera emateko eta udaberria heldu dela aprobetxatuz, 2 urte ikasleak hezitzaileekin Europako parkera joan gara. Hemen dituzue argazki batzuk bertan nola pasa genuen ikus dezazuen.

2016/05/06

NAHI DUZU KIROLA EGIN UDAKO OPORRALDIAN?

Aurton Ikastolak  udako oporraldirako kirol-eskaintza zabaldu du. Eskaintza  adinei egokituta dago.

Guraso Elkarteak antolatuta, Haur-Hezkuntzako 4 urtetik 8 urtera arteko ikasleek jarduera fisikoa lantzeko aukera izango dute ingurune euskaldun eta osasun-ohiturak landuz. Horrez gain, astero eskulanak landuko dituzte, beti ere aste horretan landuko den gaiarekin lotura izango dutelarik: mozorroak, tresnak, jolasak, antzerkiak ….

Ekainaren 20tik uztailaren 29ra izango da, goizeko 9:30etik 13:30era. 9:00etatik aurrera harrera zerbitzua ere eskainiko da.  Asteka apunta daiteke eta astea 50,-€ dira. Eguerdian jaten geratzeko aukera ere badago. Kamiseta bat emango zaie eta hamaiketako egunero.

Izena emateko hurrengo estekaren bidez egin daiteke:
Harri Bitxiak Elkarteak antolatuta, Lehen Hezkuntzako 3. mailatik DBH 2. mailara arteko ikasleentzako ere UDAKO KANPUSA izango dugu. Ekainaren 27tik uztailaren 22ra arte aukera dago parte hartzeko eta izena asteka emateko. Ordutegia: 9:30etik 13:30era . Aste bi: 87,-€ . Hile osoa: 160,-€
Izena emateko: maiatzarek 13, 20 eta 27an eta ekainaren 3, 6 eta 7an. Arratsaldeko 16.30etik 17:30era. Bankuko ordainagiria ekarri beharko da. Kontu zenbakia: 20950043109114762865

2016/03/18

ERASMUS+ PROIEKTUAREN 2. PARTEA


Erasmus+  proiektuaren 2. partea burutu dugu Kungsbacka-n (Suedia) martxoaren 6tik 12ra ikastolako bost ikaslerekin. Bertan, Suedia, Frantzia, Polonia, Alemania eta gure hezkuntza sistemak  izan ditugu hizpide eta lanerako gai.

Eskola egunetan, Suediako ikastetxea bisitatu  eta euren metodologia ezagutu dugu (iPad-ekin lan egiten dute). Bestalde, 2. hiruhilabetean zehar landutakoa amankomunean jarri dugu eta udal erakusketa eta zinema txapelketa batean  parte hartu dugu ikastolako DBH 2. mailako ikasleek egin duten pelikula batekin.

Martxoaren 12an  bueltarako hegazkina hartu genuen baina barruan gelditu zaizkigu bizi izandako momentuak, paisaiak, ezagutu ditugun  kideak eta gure ikasle apartak bizi izan dituzten emozioak eta ondo egindako lanaren poza.

Orain beste erronka bat prestatzea falta zaigu: maiatzean anfitrioiak izango gara eta “Nerabeen kezkak” izeneko proiektua garatu beharko dugu. 

2016/03/17

NAHI DUZU FRUTA?


Urtero legez, frutek gure osasunean daukaten onura sustatu nahian, bi urteko gelako umeek fruta desberdinak dastatu dituzte.

Argazkiak ikustera animatzen zaituztegu  zein  gustura jaten duten ikusteko. Eta zelako aurpegiak jartzen dituzten ….

2016/03/08

2016/03/03

HEZIKI TOPAKETAK GERNIKAKO UMEENTZAT SAN FIDELEN


Joan den otsailaren 28an Ikastolak HEZIKI topaketa antolatu zuen ikastolako eta Gernikako beste ikastetxeetako  ikasleentzat.  Lehen Hezkuntzako 1. eta 2. mailako ikasleei eskaintzen zaie HEZIKI eskolaz kanpoko ekintza bezala. Kirolari hurbiltzeko modu bat da kirol mota zehatz bat landu gabe. Motrizitatea, espresibitatea eta kreatibitatea jorratzen dira era guztietako ariketen bidez.


2016/03/01

All different but all the same: being a Newropean citizen

San Fidel Ikastolak 2015-2017 urte bitarteetan burutuko den Erasmus + proiektua europearra lortu du. DBH 2. mailako ikasleekin garatuko da eta Partaideak Suedia, Alemania, Polonia, Frantzia eta gu geu gara.

Proiektuaren izenburua “All different but all the same: being a Newropean citizen” da (“Herritar europearrak eraikitzen”)

2015eko abenduan, gure bost ikaslek Mikel Fernandez, Ines Uribarrena, Olatz Caloca, Maite Bilbao eta Ekain Mendiola Estrasburgoko (Marleheim) ikastetxe batean estereotipo eta ohiturei (Gabonak) buruzko taillerretan parte hartu zuten.

Bigarren hiruhilabete honetan hezkuntza sistemei buruz lan egin ondoren, Jon Larruzea, Olatz Silva, María Egiarte, Ane Ordorika  eta Amaia Zabalandikoetxea Suediara bidaiatuko dira eta bertan, aste batez, herrialde partehartzaile guztien ezaugarriak aztertuko dituzte. Azkenik, zinemaldi batean parte hartuko dugu ikastolan egindako pelikula batekin.

Maiatzean 21 ikasle eta beraien irakasleak etorriko zaizkigu Gernikara bost ikastetxe europearretatik.

Hirugarren hilabete honetan landuko dugun gaia “Nerabeen kexkak” izango da.

2016/02/19

EUSKAL OHITURAK LANTZEN

Otsailaren lehendabiziko astean,  bi urteko ikasleekin gure euskal ohiturak landu ditugu: Kandelerio, San Blas,  Agate Deunaren eguna eta Inauteriak.

 Hemen dituzue ateratako zenbait argazki, zuek ere beraiekin egindakoaz gozatzeko.

2016/02/05

AGATE DEUNA 2016


Gure ohiturei jarraituz, Agate Deuna ospatu genuen otsailaren 4an. Eguraldi ona lagun, txistu eta kantu artean ibili ginen 6.mailako txistulariak, Ikastolako korua eta DBH 3 eta 4.mailako ikasleak. Goiz polita benetan!

2016/01/29

EHUko Zientzia eta Teknologiako Fakultateko Kimikako laborategian praktikak burutzen


Ikasturte honetan ere  DBH 4. mailako Fisika-Kimikako ikasleek izan dute aukera EHUko Zientzia eta Teknologiako Fakultateko Kimikako laborategian praktikak burutzeko.
Kimikako fakultateak laborategietako ateak ireki egiten dituzte ikasleen artean zientziekiko zaletasuna suspertzeko. Ikasleek gustora hartzen dute ekimen hau, benetan interesatuta agertzen dira eta esperientziak egiten profesionaltasunez aritu ziren.
Fakultateko irakasleek zoriondu egin zituzten San Fideleko ikasleak, goraipatuz daukaten jakinmina eta portaera jatorra. Zorionak!

2016/01/28

Zigoitiako udal teknikari eta eskolako irakasleen bisita

Urtarrilaren 14ean, pozik hartu genituen bisitan etorritako Zigoitiako  Udal teknikariak eta eskolako irakaslea.
San Fidel ikastola bisitatzeko izan zuten atxakia, arro sentitzeko modukoa da.
Bazekiten gure udalerrian duela urte batzuk ikastetxe  guztietan konpostontziak ipini zirela, gurea martxan dagoela eta emaitza onak ateratzen dituela jakinik, nahi izan zuten ezagutzea bertatik bertara prozesuaren urrats guztiak.
 Bisita eurentzako probetxagarria izan zen, eta gu ere pozik eredu baliagarria eta eskola jasangarriagoak izateko aukera baldin  bada.

Gernika-Lumoko Eskola Bidea

Haurrak eskolara bakarrik joateko proiektu berria abiatu dute Gernikan.
DEIA.com

Gernika-Lumoko Eskola Bidea (facebook)

Gernika-Lumoko Eskola Bidea