2017/12/22

GABONAK 2017

Badatoz Gabonak. Alaitasunez elkartasunean ospatu dugu ikastolan Gabon Jaia. Haur Hezkuntzako ikasleek, Lehen Hezkuntzakoek eta DBHkoek euren saiotxoak eskaini dizkigute eta baita irakasleek.
Zorionak denoi!

EAThink


Programa hau lehen eta bigarren hezkuntzako irakasle eta ikasleentzat da. Partekatzeko garapen jasangarriari buruzko esperientziak eta praktikak Europa osoko irakasle eta ikasleekin. “EAThink – eat local, think global”, bertokoa jan globalitatea buruan izanik, proiektuak garapen arloko jarrera kritikoa eta konpromisoa sustatu nahi du Europako ikasleen eta irakasleen artean, arreta berezia jarriz elikadura-segurtasunean eta -burujabetzan, janaria ekoizteko sistema jasangarrietan eta maila txikiko nekazaritzan. Abenduan hiru goizetan zehar DBH1 mailako ikasleek parte hartu dute tailerretan, gogotsu aritu izan dira eta benetako interesa dutela adierazi dute.

2017/12/18

DBH4.mailako ikasleak EITB-n eta AEM-an

Gure  DBH 4. mailako ikasleek,  EITBko instalazioak bisitatu eta irrati saio batean parte hartu  ondoren , Arte Ederretako Museoaren  bilduma iraunkorraren bisitaldi gidatua egin dute .

2017/12/15

EUSKARAREN NAZIOARTEKO EGUNA2017

Euskararen Nazioarteko Egunaren inguruan hainbat ekintza antolatu dugu ikastolan: ipuin kontalariak, euskararen piruleta tailerra, Kamiseta tailerra, kartel tailerra, karaokeak, gonbidatuen hitzaldiak, koruaren emanaldia, bertsolari saioa….Bideoak ere sortu ditugu etapa ezberdinetan. Hemen dituzue argazkiak eta bideo - montaiak.

EUSKARAREN EGUNA 2017-DBH

EUSKARAREN EGUNA 2017-LH

EUSKARAREN EGUNA 2017-HH

2017/12/14

BADITUGU GURE ESPERIMENTUAREN EMAITZAK!

Haur Hezkuntzako 4 urteko ikasleak gaur goizean ikastolara heldu garenean zelako sorpresa hartu dugun! Loreek kolorea hartu dute! Gure hipotesi batzuk baieztatu egin ditugu eta ondorioa atera dugu: landareek zurtoinetik ura hartzen dutela.

DANI, BETI IZANGO ZAITUGU GOGOAN!

Joan den azaroaren 17an Ikastolan elkartu ginen gure kide, maisu eta lagun izan zen Daniri omenalditxo bat eskaintzeko. Bere omenez gorosti bat landatu genuen eta ohorezko aurreskua dantzatu ostean, abesti eta bertso batzuekin bukatu genuen ekitaldi hunkigarria.

Ahaztu ezin giroan
zaitugulako gogoan
lankide legez bide laguna
era oparoan.

Mugitu zinen alboan
laneko bizi giroan
gure barruan izango zara
ziur luzaroan.

2017/11/25

BELDUR BARIK

2017/11/16

“KASETA IBILTARIA” EKIMENEAN IZAN GARA

Haur hezkuntzako 5 urteko umeak, Gernikan izan dugun lehenengo “Kaseta ibiltaria”ren aurkezpenean parte hartu dugu Merkurio iturriaren aurrean. Ekimen honen helburua, herritarren artean irakurzaletasuna sustatzea eta dinamizatzea da. Kaseta ibiltariak, aldizkariak, jokoak eta hainbat motatako liburuak eskaintzen ditu adin guztientzat.

BADAKIZUE UDAZKENA DATORKIGULA?

Hori berori ikasten ari dira 5 urteko ikasleak. Europa parkera egin dute irtenalditxo bat udazkeneko paisaiaren ezaugarriak aztertzeko. Zuhaitzei eroritako hostoak bildu dituzte gero ikastolan horma-irudiak egiteko.

PSIKOMOTRIZITATEA ETA AUTONOMIA LANTZEN!

HHko umeak autonomia mailan aurrera pausuak ematen doaz psikomotrizitatea hobetuz  eta elkarri lagunduz. 

UDAZKENEKO FRUTAK, GOZOAK EZTA?

Haur hezkuntzako 2. zikloko umeek "udazkena" lantzen jarraitzen dugu.Udazkeneko frutak dastatu, esku lanak egin eta gure korridoreak hormairudiz eta fruituz apaindu ditugu denon artean.

Amaitzeko, "gaztainaren eguna" ospatu dugu ikastolako jolastokian. Gaztainak danbolinean erre eta jan egin ditugu.

HH 4 URTEKO UMEAK, ZIENTZILARI

HH 4 urteko gelan zientziarako konpetentzia lantzen egon gara esperimentazioaren bitartez. Pentsamendu zientifikoari ekin diogu. Horretarako krabelinak koloredun uretan sartu eta gure hipotesiak jaso ditugu. Ikusiko dugu zer gertatzen den!

2017/10/17

TEKNOLOGIA BERRIAK ESKURA


Haur Hezkuntzako umeek tableten sekretuak ezagutzeko aukera dute. Gustora benetan!


2017/09/29

HH 5 URTEKO UMEAK IPUIN ARTEAN


Irakurzaletasuna bultzatzeko asmoz, HH 5 urteko umeak Gernikako liburutegira bisitatxoa egin dugu gelan lantzen ari garen gaiarekin lotura zuzena izan baitu. Gustura aritu gara txokotxo hartan.


2017/06/29

2017/06/27

EUSKAL MUSIKAREKIN, AGUR IKASTURTEARI!

2016-2017 ikasturteko azken eguneko jolas-orduan ikasle eta irakasleok musikarako zaletasuna bultzatu eta euskal kantak ikasteko ekimenarekin amaitu dugu gaur. Azken emanaldia Ikastolako hainbat lekutan egin dugu.

2017/06/23

ARTISTAK OHOLTZA GAINEAN

Ikasturte amaierako ekitaldi ederra izan genuen Lizeo antzokian. Bertan abeslari, dantzari, antzezle eta bertsolariek lan bikainaz gozatzeko aukera eskaini ziguten. 

AZKEN TXANGOA, MENDATARA

Ikasturtearen amaiera ere badela-eta, HH 2. zikloko umeek irtenaldia izan genuen joan den astean.
Hasiera batean San Antoniora joatekotan ginen baina eguraldi txarra egingo zuela ikusita, Mendata ezagutzea erabaki genuen.
Ikastolako jolasak hartu eta ederto pasatu genuen jolasten, marrazkiak egiten...

Bazkaldu ostean, berriro ere ikastolara etorri ginen eta andereñoek ekarritako izozkiak jan genituen! 

ZELAKO ORTU EDERRA GUREA!


2017/06/22

AZTI-TECNALIAra BISITALDIA

Sukarrietan dagoen Azti –Tecnalia zentro teknologikoa bisitatu zuten DBH 3. mailako ikasleek. Itsasoaren eta elikaduraren ikerketan aditua den institutu horretako laboategietan  aukera paregabea izan zuten gure  ikasleek arrainen disekzioak egiteko eta Kantauri itsasoak gordetzen dituen altxorrak ezagutzeko.

LH 5. eta 6. MAILAKO IKASLEAK ZARAUTZEN

Joan den ekainaren 7an bost eta seigarren mailako ikasleak Getaria eta Zarautzen izan ginen ikasturte amaierako irtenaldian. Ibilalditxo bat egin ostean, Zarautzeko hondartzan bazkaldu genuen ikasle eta irakasleok. Benetan, egun ederra!

ELIKAGAIEN BANKUAREKIN ELKARLANEAN

Solidaritatea funtsezko ardatza dugu  Ikastolan. Ikasle konprometituak izateko hainbat ekimen burutzen ditugu. Horietako bat izan da Elikagaien bankuak  antolatutako janari bilketan  antolatu diren txandetan izan dugun partehartzea. 

2017/06/20

IRAKURKETA PROIEKTUAREN SARI GOXOA

LH 3. mailako ikasleekin Zuhatza irlara etorri gara kurtso osoan zehar irakurketa proiektuan egin duten ahalegina saritzeko. Hona hemen lehen eguna laburbiltzen duen bideoa. Asteazkenera arte bertan egongo gara! Primeran gabiltza!!!




2017/06/17

DBH 1. MAILAKO IKASLEEN IRAGARKIEK MEZU GARRANTZITSUA LUZATZEN DIGUTE

Eathink proiektuaren eta Euskara arloaren helburuak bat eginik, bertoko produktuak kontsumitzearen garrantziaz jabetzeko,  DBH 1 mailako ikasleek iragarki oso onak prestatu dituzte.  Hona hemen adibide bi: 




2017/06/08

BIZKAIGANE KOOPERATIBARA BISITALDIA EATHINK PROIEKTUARI AMAIERA EMATEKO


Eathink egitasmoaren barruan, aurretiz egindako tailerraren ostean hainbat ekintza burutu ditugu. Transgenikoen gaia ere jorratu dugu eta gure inguruko pertsonek honi buruz daukaten informazioa baloratzeko inkesta baten bitartez egin da.Gure  elikadura ohiturak aztertzeko ere beste inkesta bat burutu da.
Honekin lotuta,esan beharra dago Ikastolako ortua ere handitu dugula. Eta azkenik,  Errigoitin dagoen Bizkaiganeko ekoizleengana joan gara ikasleek ikus dezaten zuzenean nola hazten diren behiak eta ardiak jasangarritasunean oinarrituta.
Guzti honekin ikasleen artean garapen global jasangarriaren arloan jarrera kritikoa eta konpromesu aktiboa  sustatu nahi izan  da.

UDALERRI MAILAKO AGENDA 21 FOROAN PARTE HARTU DUGU

Ikasturte amaiera guztietan aspaldiko urteetan legez, aurton ere, maiatzaren 31n Gernikako Kultur Etxean,  herriko 7 ikastetxeak batu ginen alkate, zinegotzi eta Ingurumen arloko teknikariekin.
Eskolako Agenda 21eko foro honetan ikastetxe bakoitzak ikasturtean zehar burututako proiektuak azaldu zituen bakoitzak, baita  hartu dituen konpromesuak  plazaratu  eta azkenik  herria hobetzeko proposamen batzuk aurkeztu zituzten ikasleek.
San Fideleko ikasleak DBH 1. mailan burututako Eathink proiektuaren berri  eman zuten. 
Eathink proiektua Europar Batasunak bultzatutako egitasmoa da. Honen bitartez aztertzea nahi dena  da, jarrera kritiko batekin globalizazioak izan dituen eraginak janaria ekoizteko sistemetan. Beti ere maila txikiko nekazari eta abeltzainei arreta jarriz.
Ikasleen artean garapen global jasangarriaren arloan jarrera kritikoa eta konpromiso aktiboa  sustatu nahi izan  da. Hau burutzeko 6 orduko  tailerra egin dute.
Jorratu duten gai interesgarrienetariko bat transgenikoei buruzkoa izan da. Gure inguruko pertsonek honi buruz daukaten informazioa baloratzeko inkesta baten bitartez egin dute.
Gure  elikadura ohiturak aztertzeko ere beste inkesta bat burutu dute.
Bertako eta sasoiko landareak aztertu dituzte ela kultibo mahaietan landatu.Horrez gain iragarkiak ere grabatu dituzte bertoko produktua kontsumitzeko aholkatuz.

Eta amaitzeko gertu daukagun abel ustiaketa ekologikoan jardun duen baserrira bisita egin dute, Bizkaiganera, hain zuzen ere, bertatik bertara ezagutzeko nola hazten diren behiak eta ardiak jasangarritasunean oinarrituta.

IKASTOLAKO ORTUA HANDITU DUGU

Ikasleak pozik daude gure ortua handitu dugulako. Espazioa handitzeak, landare kantitate eta motak gehitzeko aukera eman digu. Ikastolan sortzen dugun konposta erabiltzen dugu ongarri moduan primerazo barazkiak hartzeko. 

2016-2017 IKASTURTEKO GURASOEN JAIA

Ikasturteari amaiera emateko, urtero bezala, egitarau ederra izan genuen ekainaren 3an. Bazkaldu aurretik txistu emanaldia, euskal dantzen ekitaldia eta jolasen saioa izan genituen. Sabela ondo bete ostean, txikienentzako puzgarriak eta entretenitzeko moduko hainbat ekintza egon ziren. DJ baten animazioaz ere gozatzeko aukera izan genuen. 

BIDEZKO MERKATARITZAREN ALDE


Joan den ekainaren 4an ikastolan Gurasoen Jaia ospatu genuen. Aukera paregabea iruditu zitzaigun bidezko merkataritzaren aldeko ekimen txiki baina esanguratsua egiteko. Familiek produktuak erosteko aukera izateaz gain,  informazioa ere izan zuten. Hona hemen hamar arrazoi produktu hauek erosteko:

1. Langileek soldata duina jasotzen dutelako.
2. Gizonezko zein emakumezkoek lan beragatik soldata bera jasotzen dutelako.
3. Haurren lan-esplotaziorik ez dagoelako.
4. Ingurumena errespetatzen duelako.
5. Epe luzerako merkataritza-harremana mantentzen duelako.
6. Ekoizpenaren zati bat aurrez finantzatzen duelako.
7. Erakundeek era demokratikoan funtzionatzen dutelako.
8. Identitate kulturala errespetatzen duelako.
9. Etekinen zati bat komunitate guztia garatzeko proiektuetan erabiltzen delako.

10. Kalitate handiko produktuak direlako.

HAUR HEZKUNTZAKOAK ERE STA. JOAKINA EGUNA OSPATZEN

Goizean joku desberdinak egin dituzte: soka tira, errelebo lasterketak, "txakurrak eta etxeak" jolasa eta ura alde batetik bestera eroatea... Ondoren, gelan, pultserak eta karetak egin dituzte eta bazkaldu eta gero tailer gehiagotan parte hartu dute eta dantzarako ere izan dute tartea. Primeran pasatu dute!

2017/06/02

STA. JOAKINA JAIA OSPATU DUGU

Beste urte batez Ikastola osoak aukera izan du jai giroaz gozatzeko elkartasunean. Olinpiadak, jokoak, sandwich-lehiaketak, tortilla-txapelketak, karaokea, dantzak….

Barrea eta alaitasuna, jaun eta jabe. AUPA SAN FIDEL!




2017/05/26

LAN KOOPERATIBOA GUSTATZEN ZAIGU!

Lan kooperatiboak duen garrantzia kontutan hartuta, horretan aritu dira 4 urteko umeak piraten gaia jorratzen. Ezin hobeto aritu dira.