2017/02/24

TXITXIBURDUNTZI: GEUREA DELAKO.

Otsailaren 23an, HH 2.zikloko umeek txitxiburduntzi ospatu dugu. Aintzako ohitura hau Garizuma aurretik ospatzen zen. Egun horretan jendea mendira joaten zen; sua prestatu, makilatxo batez burruntzia egin eta gero txorizoa edo beste txerrikiren bat erretzen zuten.  Gaur egun ere ondo pasatzeko aukera paregabea da  Inauterien atarian gaudenean.




HAUR HEZKUNTZAKO UMEAK PAILAZOEKIN

Otsailaren 16an, HH 2. Zikloko umeek Pirritx, Porrotx, Marimotots eta Euskadiko Orkestra Sinfonikoaren eskutik "Musika ari du" ikuskizunaz disfrutatzeko aukera paregabea izen zuten Bilboko BBK aretoan. Umeek gogotsu parte hartu zuten eta goiz ederra pasatu genuen.


Hainbat helbururi begira burututako ekintza izan zen: musika adierazpen artistikoa ezagutzea eta baloratzea, sortzeko eta pentsatzeko gaitasuna garatzea,pertzepzio mailen garapen fiskoa sustatzea, soinuen aukeretan murgiltzea eta sakontzea, enttzuteko modu apropos eta arduratsu bat garatzea eta entzuteko nahia sustatzea e.a.

2017/02/21

TXITXIBURDUNTZI OSPATZEN!

Egun ederra pasatu genuena Harri Bitxiak taldekoek HH 4, 5 urte eta LHko ikasleekin domekan, Txitxiburduntzi egunean. Jolastu eta txorizoa jan. Hori bai ona!

Eta orain Inauteri jaietarako prest!

LABORATEGIAN DNA AZTERTZEN

DBH 1.mailako ikasleek DNA oinarri hartuz zientziaren munduan murgildu dira.  Laborategiko materialak erabiltzen eta errespetatzen ikasi dute beraien DNAren erauzketa eginez eta DNA zer den begi bistaz ikusteko. 

SAN FIDEL IKASTOLA LONDRESEKO APPLE SUMMIT JARDUNALDIETAN

Munduko hezkuntza eta teknologia jardunaldi garrantzitsuenetarikoak dira. Teknologia bidezko hezkuntzan jantziago egoteko asmoz hurbildu ginen bertara.

LEHEN HEZKUNTZAKO IKASLEAK BIZKAIA IRRATIAN

Bizkaia Irratian elkarrizketatu dituzte gure hezkuntza eredu berritzaileari buruz hitz egiteko eta egunero nola lan egiten dugun azaltzeko;  ulermena oinarri duten proiektuak eta teknologia berrien ezarpen prozesua izan dira besteak beste, hizpide. 

ESKOLA BIDEAN PROIEKTUAREKIN AURRERA!

Herri mailan garatzen ari den “Eskola Bidea” proiektua badaramagu aurrera. Helburua 7-8 urtetik gorako haurrak eskolara bakarrik etortea da. Horrez gain,  ohitura aktibo eta osasungarriak sustatuko dituzte,  herria hobeto ezagutzen duten bitartean.  

2017/02/16

ABUZTURAKO BADUGU UDALEKUA LOGROÑON!

Harri Bitxiak gazte taldearen eskaintza hau egiten du Ikastolak eta hurrengo asteetan izango duzue informazio gehiago.

2017/02/15

IRAKURTZEA ERE ENTRETENIGARRIA DA!


Irakurzaletasuna bultzatzeko asmoz, irakurketa lehiaketa antolatu dugu LH 3. mailan. Lehenengo diploma jaso duten ikasleak hauek dira. Zorionak eta ekin irakurtzeari!!!

LUR PLANETA MUGITZEN DA?

LH 2 . mailako ikasleekin Lur planetaren errotazio eta translazio mugimenduak lantzen gabiltza. Horretarako, ikasleek hainbat ariketa egin dituzte: errutinak, murala eta zintzilikari bat. Gero, taldeka, primerako azalpenak eman dituzte.

2017/02/14

KATILLOTXURA MENDI IRTENALDIA

 Joan den igandean, ikastolako ikasle taldetxo batek Bizkaiko Foru Aldundiak antolatzen dituen mendi irtenaldietariko baten parte hartu zuen. Mendizaletasuna eta kirola bultzatzea da helburu eskaintza zabala eskainiz. Horrez gain, gure inguruko paisaiak eta tokiak ezagutzeko aukera paregabea ere bada. 

ZELAKOA DA BASAMORTUA ETA NORTZUK DIRA TUAREG-AK?


3 urteko ikasleek basamortua zelakoa den ikasi dute. Horrez gain, hango ohiturak eta beste hainbat gauza ere landu dituzte.Gaiari amaiera emateko, Tuareg-ak etorri zaizkie ikastolara bisitan eta jaima bat jarri diete gela ondoan. Euren moduan jantzi dira eta andereñoek prestaturiko tea eta datilak dastatu dituzte jaima barruan. Zein ondo pasatu duten!

MANTENDUKO OTE DA GURE ITSASONTZIA UR GAINEAN?

 HH 5 urtekoek flotagarritasuna landu dugu;  hipotesiak egin eta esperimentuen bidez frogatu ahal izan dugu usteak egia ziren ala ez.  Itsasontzi bat ere egin dugu eta irrikaz egon gara jakiteko ea hondoratuko zen ala ez. Baina azkenean….arrakasta! Ingeniari onak izan ditugu eta ur gainean mantendu da gure itsasontzia!

HONDAKIN ORGANIKOAK ERE BERZIKLATZEN HASI GARA IKASGELAN

 Barikuetan fruta jaten dugu, janari horrekiko zaletasuna bizteko eta ohitura onak bultzatzeko. Baina horrez gain, fruta-azalak hondakin organikoa direnez, horretarako dugun edukiontzian biltzen ditugu eta horrela umeek ikasi egiten dute edukiontzi marroia hondakin organikoak batzeko dela. 

2017/02/08

BAKEAREN EGUNA: ” BAKERAIKILIAK”

Urtarrilaren 30ean, Gandhiren heriotzaren urteurrena eta Eskoletako Bakearen eta Ez Biolentzaren Eguna ospatu zen. Ekintza desberdinen artean, DBH 1. mailako ikasleek, Bake Museoak antolatu duen “Bakeraikileak” jolas didaktikoan parte hartu dute.

Jolasaren bitartez Bakearen kultura hedatzen, Giza Eskubideak errespetatzen eta gure planeta zaintzen eta babesten eredugarriak diren pertsonak eta haien lana ezagutzeko aukera izan dugu. Esperientzia oso aberasgarria izan da.

2017/02/07

IKASKETA ETA ZERBITZUA EGITASMOA IKASTOLAN

Ikasketa eta zerbitzua programa martxan jarri dugu. Gure ikasleak ikasketa maila ona izateaz gain, inguruan dituzten beharrizanei erantzuteko gai izan daitezen hezi nahi ditugu. Horretarako  lehen pausua eman dugu. DBH 4. mailako ikasleak HHko ikasleekin batzen dira astero zerbitzu zentzua barneratzen hasteko asmoz.  Eskerrik asko!

DBH 4. MAILAKO IKASLEAK KIMIKA FAKULTATEAN

Euskal Herriko Unibertsitateko laborategi modernoetan, DBH 4.mailako ikasleek  Kimika Bizirik proiektuan parte hartu dute. Zientziarekiko ikasleen interesa pizten saiatzen den Kimika Fakultateko ekimenari esker hainbat esperimentu  aurrera eraman ahal izan dute.  Interesa sustatzeko bide bikaina.

KANDELERIO EGUNA OSPATU DUGU IKASTOLAN

Otsailaren 2an, euskal ohitura jarraituz,  Haur Hezkuntzako eta Lehen Hezkuntzako ikasle eta irakasleok kandelak biztu eta egun honetako doinua abestu genuen.

2017/02/02

BENJAMINAK HERRI MAILAKO TOPAKETAN

Ikasturtean zehar futbola eta saskibaloiaz gain, beste kirol ekintza batzuk praktikatzeko  udalerri mailan antolatzen dira  zenbait ekitaldi. Joan den asteburuan Herri-kirolen saioa burutu zuten Lehen Hezkuntzako 3. eta 4. mailako neska-mutilek. Gustora aritu ziren sokatiran, txokor-batzean….