Irakurtzea, bizitzeko eta munduari begiratzeko tresnarik onena

Bizkaiko Foru Aldundiak antolatutako “Bizkaidatz Txikia IV. Haur eta Gazteen Literatura” txapelketaren  sari-banaketa maiatzaren 29an izan zen.  Leire Bilbao eta Toti Martinez de Lezea idazleek eman zioten lehen saria gure ikaslea den Janire Arrizabalagari.

Lehiaketa honen helburua gure lurraldeko gazteen artean literatur sorkuntza bultzatzea eta sustatzea da. Toti Martinez de Lezearen  “El secreto de la Isla” kontakizunari  jarraipena ematea zen burutu beharreko erronka eta ederto asmatu zuen Janirek.