2009/04/26

JABETZA INTELEKTUALAREN MUNDUKO EGUNA

Web ofiziala...(klikatu hemen)
Aldizkaria......(klikatu hemen)
Beste..............(klikatu hemen)

2009/04/23

LIBURU ETA EGILE-ESKUBIDEEN MUNDUKO EGUNA

................................................Informazio gehiago hemen

2009/04/22

Idazleak ikastetxeetan



“Idazleak Ikastetxeetan” programari esker aurten Jon Arretxe idazlea etorri da Ikastolara. Ikasleek bere “Larunbatak” liburua irakurri ondoren idazlearekin berarekin solasaldia izateko aukera izan dute. Ikusten denez gustura sinatu eta dedikatu zituen bere liburuak.

2009/04/03

SAN FIDEL IKASTOLA KORRIKAN

Aurton goizeko 9ak aldera heldu jaku Korrika Gernikara. Hori dala eta, Testigua eroateaz gain Ikastolako guztiok eduki dogu aukera bertatik bertara ikusteko eta, ausartenak, korritzeko ere bai.
Ireki bideoa leiho berri batean

ETA...KORRIKAREN OSTEAN...LARRIALDI-SIMULAKROA

ZORIONAK San Fidel Ikastolako ikasle guztiontzat !!!!!!
Urtero legez aurten ere zuen laguntzari esker sutearen simulakroa ederto urten da. Aipamen berezia txikitxuek euki duten jokabide ezin hobeagaitik. Danok txandak errespetatu dituzue, ez zarete arineketan ibili ta zarata egin barik ikastolatik urten zarete. Datorren urtean be, simulakroa berriz antolatzen dugunean Villa Argentinan ikusiko gara danok !!
Ondo ibili Aste Santuko oporretan ta bueltan ikusiko gara.

2009/04/02

ONGI ETORRI KORRIKA

ANTZERKI EMANALDIAK

......LH2.mailako ikasleek bukatu dituzte beraien antzerki emanaldiak.
......Bi obra antzeztu dituzte gure txikiek: "Bost anai-arrebak" eta "Ramontxu herensugea". Martxoaren 25ean ikastolako kideentzat, 26an guraso eta familientzat, 30ean Muxikako eskolako ikasleentzat eta 31n Bermeoko "Sagrado Corazon"ekoentzat, hain zuzen ere.
Eskerrik asko momentu on guztiengaitik.

2009/04/01

ZINEMA ASTEA BRIÑASEN

......Aurten lehenengo aldiz, DBH lehen mailako ikasleak “ZINEMA ASTEA BBK-rekin” proiektua aurrera eramateko asmoarekin Briñasen izan dira. Egon, egon dira eta egin, egin dituzte benetako filme ederrak. Zorionak egindako lanagatik eta baita izan duten jarrera eta portaera onagatik.


BERTSOLARITZEN MENDATA 09

......Urtero legez bertso-lehiaketa ospatu zen Mendatan, martxoaren 29an. Bertso idatzien sariketa honetan 65 umek hartu zuten parte, 10 urtetik18 urterarte. San Fidel ikastolatik 20 ikaslek hartu zuten parte, baita batzuk aipamen saria jazo ere. Sari nagusiez aparte beste hainbat sari ere zozketatu ziren, partehartzaile guztien artean.Giro ederrean pasatu genuen igande hau. Ekainean, Muxikako “Garriko Egunean” berriz bertso-lehiaketan ikusiko dugu elkar.

PILOTA EGUNA

Martxoaren 27an Busturialdeko Pelota Eguna ospatu genuen Gernika-Lumon urtero legez. Ia-ia 400 umek hartu zuten parte, Busturialdeko 6.mailako ikastetxe guztietatik.
Goizean zehar Gernika-Lumoko frontoi ezberdinetan pilotu jokuen zirkuito bat egin zuten. Eguerdian Urbietako frontoietan bazkaldu eta ondoren Santanapeko frontoian zesta-puntako eta esku-pilotako erakustaldia. Pilota egun ederra benetan !.

ESLOVENIAN!

......DBH 3.mailako 22 ikasle Eslovenian izan gara ikasle-trukean. Bakoitzari familia bat suertatu zaio, eta hauetan, oso ondo tratatu gaituzte. Hainbat ekintza egin ditugu herrialde bietako ikasleen artean, hala nola, lera jaitsiera, dantza tradizionalak, bisitaldiak museoetara, hirietara etab. Gainera, gure egonaldia errazagoa eta dibertigarriagoa izan da, Dani eta Julen maisuei esker.Iritsi ginen egunean, oso urduri geunden eta ez genuen autobusetik atera nahi. Lehenengo eguna pasatu ondoren harreman onak egin genituen eta oso gustura geunden.

.............................................................................................Lera jaitsiera

......Bertan geundela, egunkari bat idatzi genuen, non, gure esperientziak azaltzen baikenituen hizkuntza ezberdinetan, hala nola, Euskara, Gaztelera, Ingelesa eta Esloveniera.
Aisialdietan denak elkartzen ginen boloetara edo bilarrera jolasteko, izotz gainean patinatzeko, edota txokolate beroa hartzeko. Esan beharra daukagu, izugarri ondo eman digutela jateko eta denok heldu garela kilo pare bat gehiagorekin, egunero joaten baikinen jatetxe italiarretara bazkatzen edota afaltzen. Ez zuen inork inoiz plater guztia bukatzen.

............................................................................................Ljubljana hiria

......Azkenengo egunean ez genuen bertatik joan nahi eta malkoak begietan genituela agurtu ginen maiatzera arte.
......Oso esperientzia ona izan da eta gainera gure ingelesa asko hobetu da joan ginenetik. Edonori gomendatuko genioke.
......Orain beraiek etortzeko egunak kontatzen ari gara, irrikitan gaude.

Marina Rios, Alazne Arrazola, German Velayos, Ainhoa Estrada (3. mailako ikasleak)