2015/12/22

GABONAK GEUK EGIN DITUGU ZORAGARRI!!

Osasunaren eguna dela esan ohi dugun abenduaren 22 honetan Gabonaldia ospatzeko antolatu dugu itzelezko jaialdia.
Motorrak berotuta geneuzkan Lizeoan Lehen Hezkuntzako 1. mailako ikasleek egin zuten ikuskizunarekin eta gaur ikastolan ez dira falta izan gabon kantak, doinuak eta dantzak. Eta zelan ez, Olentzero eta Mari Domingiren bisita ere izan dugu.
Gabon zoriontsuak igaro daizuezela . Hona hemen gure gabon mezua:
Gu izango gara zuhaitzeko apaingarri, besteei gurekin bizitzea errazagoa egiten zaienean.
Gu izango gara benetako argia, gugan bakarrik pentsatu beharrean gure albokoak ere gurekin batera patxadaz bizitzen laguntzen ditugunean.
Gu gara benetako izarra bideko arazoak eta gainditu beharrekoen aurrean konponketen bila aritzen garenean. Ilusioari eta itxaropenari tokia egin diezaiogun.

Guk kanpaia izan nahi dugu banatzearen alde egin beharrean batzea eta elkartzea delako gure helburua. Izan gaitezen baketsu eta ulerkor.

GABONETAKO POSTALA 2015

Aurton Lehen Hezkuntzako 5. eta 6. mailako ikasleek parte hartu dute  zorion-postalaren diseinuan. Lan ederrak prestatu dituzte ikasleek. Postala egiteko aukeratu dugun lanaren egilea, Naia Aretxederreta Llor izan da.
LH 6.maila)
Zorionak Naia!

2015/12/04

EUSKARAREN EGUNA OSPATZEKO BERTSO SAIOA DBHko IKASLEENTZAT

Bertso eskolako eta gure ikasle-ohiak izandako  Ander Elortegi, Ibai Amillategi, Unai Agirre eta Aitor Etxebarria-Zarraga aritu ziren bertsotan ikastolan. Ikusleak animatu zituzten eta saio benetan erakargarria eskaini zuten. Gure ikasleak benetan gustora egon ziren eta barre dexente bota zuten. 

ZORIONAK BERTSOLARIEI!!  GORA EUSKARA!!

ABENDUAK 3!!! BADAKIZU ZER OSPATU DOGUN?

Hona hemen gure euskararen aldeko manifestua:

Euskeraz bizi nahi dot nire hizkuntza dalako. Natural sentitzen dodana, natural egiten dodana eta natural egiten nabena. Euskaldun sentitzen naz, euskalduna naz eta euskalduna izan nahi dot. Euskera hizkuntza bat baino gehiago da, izateko modu bat da eta nik izan nahi dot. Baina izateko, laguntza behar dot. Ezin naz ni bakarrik izan. Etorkizunean be euskera izango bada guk gure izan dogulako izango da. Euskeraz sentitzen dogunok iarun dogulako. Maite dogun hori zaindu dogulako. Guk euskera maite dogu. Guk euskera zainduko dogu. Eusekra altxor bat da, sakabanatua eta anitza. Euskera altxorra da, batzeng aituen zilbor hesteak elikatzen daben hizkuntza. MUNDUAN 7.000  HIZKUNTZA INGURU DAGOZ. Euskera horietako bat baino ez da. Baina GEUREA.


#GEUREA
#zubia
#anitza
#giltza
#bizia
#modernoa
#nirea
#gaztea
#zaharra
#koloretsua
#berba
#elea
#hitza
#denona
#mundiala
#bizikidetza

Euskararen aldeko ekitaldian manifestua irakurri aurretik, LH 6. mailako ikasleek kopla batzuk bota dituzte euskararen inguruan. Ikastolako abesbatzak ere bere eskaintza egin du abesti batekin saioa girotuz. Eta azkenik, denok batera prestatuta genuen dantzatxo bat egin dugu.

Aurreko egunetan gelaz gela joan ondoren, bertan grabatutako bideoa ikusteko aukera ere izan dugu. 

2015/11/26

ZIENTZIAREKIN SOLASEAN 2015

Aurreko urteetan bezala , Donostia International Physics Center-rek (DIPC) top@DIPC- Zientziarekin solasean ! topaketaren edizio berri batean hartu dute parte DBH 4.mailako Fisika eta Kimikako ikasleek.

                     Topaketa hauen helburu nagusia Euskal Herriko DBH ko eta Batxilergoko ikasleen artean, ikasketa zientifiko eta teknologikoekiko interesa bultzatzea da.
               
                      Aurtengo edizio honetan izen handiko bi ikertzailek hartu dute parte, bata fisikaria eta bestea neurobiologoa : DAVID WINELAND (Fisikako Nobel Saria 2012) eta RAFAEL YUSTE (New York Hiriare Alkatearen Ikertzaile Gaztearen Saria 2002) eta Pedro Miguel Etxenike moderatzaile lanetan.

Argazki geihago hemen

DBH 4.mailako ikasleak EITBn eta ARTE EDERRETAKO MUSEOAN

Azaroaren 5ean  EITB ko instalazioak barrutik ezagutzeko aukera izan genuen eta gero, arratsaldez, Bilboko Arte Ederretako Museoak eskaintzen duen “Hormako Mezuak” erakusketaz gozatzeko aukera izan genuen.

2015/11/09

BIZKAIKO MENDIESKOLA PROGRAMAN PARTE HARTUKO DUGU AURTON

Bizkaiko Foru Aldundiak eskaintzen duen mendizaletasuna bultzatzeko programan parte hartzeko izena eman dugu aurton.  Lehen Hezkuntzako 3. mailatik DBH 2. mailara arteko ikasleei zuzenduta dago.
Lehenengo irtenaldia Atxarreko San Pedrora izan zen urrian. Bizkaiko hainbat ikastetxetako jendea batu ginen, 450 pertsona inguru.  Udazkeneko eguraldi epela izan genuen eta primeran pasatu genuen.
Hurrengo irtenaldia Gorlizeko Ermua mendira izango da azaroaren 15ean.  Ea animatzen zareten!

SAN FIDEL GERNIKAKO XXXI. MILLA HERRIKOIAN

Joan den urriaren 31n Lehen Hezkuntzako  146 ikaslek parte hartu zuten oinezko lasterketa honetan. Ikasle kopuru oso esanguratsua izan zen .  Urduri baina pozik agertu ziren gure gaztetxoak eta hurrengo urtean ere joateko gogoz daude. Aipatzekoa da baita, DBHko ikasleek eskainitako laguntza ekintza honetan parte hartzeko. Gaztetxoagoen arduradun lanetan aritu ziren. 

2015/11/02

URRIKO LEHEN ASTELEHENA 2015


Gure herrian egun hain garrantzitsua izanda, berriro ere Ganadu Azokara hurbildu ginen  hango behiak ikustera.

Ikasleek asko disfrutatu zuten irtenaldi honekin.

AJANGIZ 2015


Aurton ere, urtero legez, ailegatu zitzaigun Lehen Hezkuntzakooi Ajangizera joateko eguna. Euria zela-eta, zalantzan  egon ginen, joan ala ez joan, baina azkenenan, bertatantz abiatu ginen. Bidean ur tantak jausi ziren, baina egunean zehar, eguraldia lagun izan genuen.
Egun polita igaro zuten bertan gure ikasleek.

Prest gaude datorren urtean errepikatzeko!!!

6. MAILAKO IKASLEAK KARRANTZAN

Irailaren 29an 6. mailako ikasleak Karrantzara joan ginen Armañon Parke Naturala eta Pozalaguako koba ikustera. Heldu ginenerako, bisita gidatzeko monitoreak zain izan genduzan Raneron. Taldeak eratu, lanerako koadernoak banatu eta handik oinez abiatu ginen Pozalaguako koben aurrean kokatuta dagoen interpretazio gunerantz. Bidean zehar geldiune ugari egin egin ziren monitoreen azalpenak entzun eta koadernoak betetzen joateko.
Interpretazio zentrura heltzean, Parkeari buruzko dokumental labur bat ikusi eta lehenago bertan egoan harrobiaren inguruak bisitatu ebezan. Ondoren, Pozalaguako koban sartu ginen monitore baten gidaritzapean  eta bertan gordetzen diren bazter zoragarriak bertatik bertara ikusi genduzan.

Inguruan prestatutako gune batean bazkaldu eta lauretan autobusean gengozan etxerako bidean.

2015/06/24

KERIK GABEKO GELAK

Ikasturte honetako 2. hiruhilabetean,  KERIK GABEKO GELAK  programan  hartu dugu parte ikastolako DBH 1. mailako ikasleekin.  Osakidetzako programa honek tabakoaren kontsumoa prebenitzea du helburu  eta  gazteenekin tabakoari buruz hitz egiteko balio du. 

 Programatutako zenbait hezkuntza-jarduera egin ditugu gelan, baita etxean ere, norberak bere familiarekin.  Gero,  programarekin amaitzeko, tabakismoaren prebentzioari buruzko eslogan txapelketan   finalista geratu gara  Bizkaia mailan 2. postuan geratuz.

2015/06/22

AKTIBATU EKITALDIA MADARIAGA DORRETXEAN

Joan den ekainaren 12an Agenda 21eko batzordeko kideok, bai ikasleak eta bai arduraduna, Busturira joan ginen Aktibatu programaren sari-banaketaren ekitaldira.
Agenda 21ean aritutako Bizkaiko ikastetxeak bildu ginen ikasturtean zehar landutakoa azaltzeko, Aktibatu kanpaina zelan egin dugun kontatzeko eta energia aurrezteko hartu ditugun neurriak zabaltzeko.
Ekitaldia interesgarria izan zen eta gure artean lan egiteko grina biztu zuen.
Aktibatu ekimenaren bidez, eguneroko zereginek sortzen duten ingurumen inpaktua murrizteko aukera eskaintzen da, pertsonaren konpromisoa kostu bakarra izanik. 

LH4.MAILAKOAK SUKARRIETAN


4. mailakoak aurten ere Sukarrietara joan gara. Lau egun egon gara bertan Lurra eta Planeta Berdea proiektuak burutzen. Itzel pasatu dugu irtenaldietan, animaliak zaintzen, jolasten, lagun berriak egiten… . 
Argazkiak hemen

IZOTZAREKIN ESPERIMENTATZEN

Begiratu zein  ondo pasatu duten HH 1eko ikasleek izotzekin jolasean.
Ekainaren 4an egun beroa egin zuen eta kolore desberdinetako izotzak ukitzen ibili ginen ikastolako jolastokian. Oso pozik eta gustura ibili ginen;  gainera gure arteko harremana ere gehiago sendotu da.
Argazkiak hemen

2015/06/12

IBAIALDE PROIEKTUA

Joan den ekainaren 9an,  Ibaialde proiektua burutzeko asmoz,  Foruko Baldatika erreka aztertzera joan ginen. Bertan  errekako bizi–baldintzak egokiak diren behatzeko aukera izan genuen.
Argazkiak hemen

IKASTOLAKO JAIA 2015

Joan den ekainaren 6an ospatu genuen Ikastolako jaia guraso eta ikasleen partaidetzarekin. Euskal giroa nagusi izan zen dantza eta txistu artean. Ikasleek ere euren eskolaz kanpoko ekintzetan egindako lana erakusteko aukera ere izan zuten: judo eta dantza erakustaldiak, Robotixen egindakoak…Guraso eta ikasleen arteko futbol eta saski-baloi partiduak ere antolatu ziren. Eta bazkari ederra jan ostean, dantzaldiarekin bukatu genuen.
Argazkiak hemen

SANTURTZI eta AKARLANDA

Maiatzaren 29an LH 1. eta 2.mailakoak  ikasturte amaierako irtenaldia izan genuen. Santurtzira hurbildu ginen  hasiera batean , ingurua ezagutu eta  ondoren Portugaleterantz abiatzeko.
Bizkaiko Zubia zeharkatu eta gero, Areetatik Akarlanda parkera joan ginen. Bertan jan eta luzaroan jolasten egon eta gero, Gernikarantz.
Egun zoragarria!!!
Argazkiak hemen

EAtik ZEHAR

Maiatzaren 27an Eara joan ginen LH 3 eta  4.mailako ikasleak. Goizean, bertara heltzean  txango polit bat egin genuen errekaren bide bazterretik. Ondoren herrian zehar hondartzara arte joan ginen eta hamaiketakoa jan genuen. Gero ikasleak hondartzan ibili ziren jolasten eta batzuk bainua hartzen. Egun ederra igaro genuen!
Argazkiak hemen

2015/05/29

EMANALDI KULTURALA LIZEOAN ESKAINI ZUTENA

Ikasturte bukaera honetan hainbat arlotan egindako lana erakusteko aukera izan zuten atzo gure ikasleek. Haur Hezkuntzako umeek hiru dantza eskaini zizkiguten: Umeak, Sabel-dantza  eta Rock and Roll-a. Oso dotore jantzita agertu ziren. Lehen Hezkuntzako 6. mailako ikasleen antzerkia ikusteko aukera ere izan genuen. Horrez gain, ikastolako abesbatzak  bi lan aurkeztu zituen : kanta bat frantsesez eta Eskolopendra ipuin musikala. Saio guztia DBH 1. mailako bertsolariek girotu zuten hainbat bertso plazaratuz. Eskerrik asko parte hartu zuten guztiei. 

GOSEAREN KONTRAKO LASTERKETA SOLIDARIOA

Maiatzaren 14an burutu genuen gure aurtongo solidaritza-proiektuaren barne planifikatuta genuen ekintza garrantzitsuenetariko bat: LASTERKETA SOLIDARIOA.Lehenengo ikastola barruan eta gero ikastolatik kanpo buelta handi bat. . Denok batera aldarrikatu genuen goseak ez daukala gure artean lekurik. Ondasun nahiko dago lur honetan denok bizitzeko moduan.  Acción contra el Hambre fundazioarekin elkarlanean aritu  gara ikasleen artean gosearen kontrako sentsibilizazio kanpaina bat bideratzeko eta zorigaitz horren kontra zerbait egin ahal dela erakusteko. Hitzaldiak eta ekintzak planifikatu izan dira.  Ikasleek proiekturako laguntzaileak aurkitu dituzte eta bakoitzak ahal izan duen neurrian kolaboratu du diru-laguntza bategaz..Ez ahaztu, jarraitu aurrera lortu arte gosearekin bukatzea.
Argazkiak hemen

NIRE LEHEN IRTEERA

Ikasturtea bukatzear dago, udaberria etorri da eta bi urteko ikasle eta hezitzaileok aukera ezin hobea izan dugu Europa parkera irtenaldia  egiteko.  Zuen seme-alabak nola ibili diren ikus tera animatzen zaituztegu.
Argazkiak hemen

2015/05/22

STA. JOAKINA JAIA BESTE URTE BATEZ

Karmeldarren sortzailearen omenez ospatzen dugu jai hau. Aurton ere festa giroa izan da nagusi: jolasak, olinpiadak, sandwich eta tortilla txapelketak, pastelak ….eta dantzak.
DBH 4. mailako ikasleentzat beste kideei agur esateko aukera ere izan da, aparteko ekitalditxo bat eskainiz.  AUPA SAN FIDEL IKASTOLA.
Argazkiak hemen

2015/05/15

DENA IZANGO DA IZAN BEHAR DUEN BEZALA


GERNIKA-LUMO 2015 ESKOLARTEKO XXVII. ANTZERKI ASTEA _SAN FIDEL IKASTOLA_ "DENA IZANGO DA IZAN BEHAR DUEN BEZALA". from Oizmendi telebista on Vimeo.

LH 6.mailako ikasleak

INDARTSU AIRERATU ZAITEZ!

Ondo gosaltzeko 10 minutu nahiko dira.

Lehen Hezkuntzako 5. mailako ikasleentzako goizero ondo gosaltzearen garrantziaz jabetzeko sentsibilizazio ekintza bat bideratu da.


Bihotz Bizi elkartearen proposamena onartuz, umeek dibulgaziozko DVD bat  ikusi dute lehenengo eta gero ikastolan gosaldu dute. Gosariaren osagaiak honako hauek izan dira: esnea, kakaoa, indioilarra, fruta, ogia eta olioa. 

BIDE-SEGURTASUNA LANTZEN HAUR HEZKUNTZAKO 2 URTEKO GELAN

Hemen gaude berriro Haur  Hezkuntzako bi urteko  hezitzaileak bide segurtasunezko neurriak errespetatzeko ahaleginetan. Gela bakoitza garraiobide bat da. Ikusi zein den zuen umea!!!

OPERA GAZTETXOEN ESKURA!

2015ko martxoaren 16an , LHko 1. eta 2. mailakoak ABAO-OLBEk antolatutako Mozarten” Txirula magikoa” den Opera-txiki ikustera joan ginen. Arriaga antzokian izan zen emanaldia eta benetan  ikusgarria iruditu zitzaigun. 

BIGARREN ESKUKO LIBURUEN AZOKA IKASTOLAN

Gure solidaritate-proiekturako  laguntza lortzeko asmoz bigarren eskuko liburuen azoka antolatu dugu ikastolan. Arrakasta itzela izan du. Eskerrik asko parte hartu duzuen guztioi.

2015/04/15

HAUR HEZKUNTZAKO 1. ZIKLOKO IKASLEEK 2. HIRUHILABETEAN HAINBAT EKINTZA BURUTU DITUZTE.

Kaixo!!!!!

Haur Hezkuntzako Lehenengo zikloko irakasleak gara. Zuengana hurbiltzen gara bigarren hiruhilabetekoan burututako hainbat ekintza eta gure ikasleen poztasuna ikus dezazuen. Espero dugu gure moduan dibertitzea argazkiak ikusten zaudeten bitartean.

Argazkiak:
Fruten dastaketa | Zientzia | San Blas | Inauteriak | Santa Ageda | Bakearen eguna | Kandelerio | Negua | Beste batzuk

2015/04/14

BERTSOLARITZEN 2015

                                                                      
Ohiturari jarraituz, aurton be gure ikasleek Mendatako Oilargane Kirolzaleak alkarteak  antolatutako eskolarteko idatzizko bertso-lehiaketan hartu dabe parte. Martiaren amaieran jaso ebezan antolatzaileek Urdaibaiko eta inguruko beste eskualdeetako eskola ezbardinetatik bialdutako ikasleen lanak eta, aurre-hautaketa egin ondoren, danak jaso eben bertara joateko gonbitea. Halan da be  19 ikasle aurkeztu dira martiaren 22an Mendatan ospatu dan finalera.
Eguraldiak lagundu ez arren, ekitaldi jendetsua suertatu da aurtongoa eta giro ezin hobean joan da goiz osoa.
 Bertaratutako maila ezberdinetako bertsolari gazteek egindako  lanak epaitu ondoren, sari banaketari ekin jako. A mailan Gorka Omaetxebarria azpitxapelduna izatearen ohorea lortu dau.  Ganera,  Maria Armaoleak, Unai Uribek, Janire Arrizabalagak eta Olatz Baraiazarrak epaileen aipamen berezia jaso dabe finalistak izateagatik.

B mailan be txapelaren atarian geratu dira gure ordezkariak. Kasu honetan Maite Etxebarriaren eskuetan gelditu da 2. saria.
Argazkiak

2015/03/29

2015eko KORRIKA GERNIKAN eta IKASTOLAN

Aurtongo KORRIKA gauez heldu zitzaigun Gernikara. Ikastolak eta Guraso Elkarteak kilometro bana hartu zuten euskararen aldeko konpromesu zeinale bezala.


Goizez  herri mailan antolatu zen KORRIKA TXIKI. Lehen Hezkuntzako eta DBH 1. mailako ikasleek hartu zuten parte eta amaiera eman zioten ekitaldiari bertso batzuekin.

Eta txikitxoenek ere, Haur Hezkuntzako eta Lehen Hezkuntzako lehenengo ziklokoek euren KORRIKA TXIKITXOA antolatu zuten ikastolan berton.


2015/03/27

MEATZE-USTIAPENEN INGURUMENA EZAGUTZEN

Martxoaren 18an DBH 2. mailako ikasleek La Arboledara egin zuten irtenaldia. Eguraldia lagun, meatze-ustiapenak ingurumenean izandako eraginen ondorioak aztertzeko aukera izan zuten, Peñas Negras Ingurumen Interpretazio-Zentroa eta ingurunea ezagutuz.

2015/03/26

LH 2. MAILAKO IKASLEAK ANTZEZLE LANETAN

Hiruhilabete honetan ere 2. mailakoek antzerkitxo bi prestatu dituzte, Mertxe Arandiak zuzenduta.
Ikastolan bertan  saio bi eskaini dituzte,  bata ikasleentzat eta bestea gurasoentzat. Eta gero,  Muxikako eta Bermeoko gaztetxoentzako ere  antzeztu dute. Horren bidez,  ahozkotasuna, memoria, talde-lana, dramatizazioa  e.a. lantzeko aukera izan dute gure Lehen Hezkuntzako neska-mutilek.

2015/03/24

LH 4. MAILAKOAK BERMEON

Joan den martxoaren 12an Lehen Hezkuntzako 4.mailako ikasleak Beremeora egin genuen irtenaldia. Bertan, herria ezagutu genuen;  baita Arrantzaleen Museoa  ere. Bermeoko arrantzale museoa portu zaharraren ondoan dago, hain zuzen ere Ertzilla dorre historikoan.
Gure ikasleek arrantzaleen inguruko hainbat arlo aztertu dituzte: bizimodua, lana, lan-teknikak… Horrez gain itsasaldearen eta arrantzarako euskal portuen deskribapenarekin zerikusia duten alderdi guztiak ezagutu dituzte: arrantzaleen bizitza eta ohiturak,  beraien gremioaren antolakuntza eta elkarteak; itsasontziak eta denboran zehar erabili izan dituzten teknikak arrantzarako eta nabigaziorako.

Eguerdian “Lamera” parkean bazkaldu genuen eta ostean trenez egin genuen itzulera.

JORGE GURE IKASTOLAN

Martxoaren hamabian, goizeko bederatzietatik hamaiketara, Jorge, Basauriko kartzelan lanean dabilena,  izan genuen ikastolan DBH 4ko ikasleekin.
Kartzelako  egoeraz, eta bere eguneroko lanaz hitz egin zuen
Benetan interesgarria eta probetxuzkoa izan zan!

TXIRULA MAGIKOA OPERA IKASLEEN ESKU

Martxoaren 16an Lehen Hezkuntzako 1. eta 2.mailakoak Bilbora joan ginen ABAOren eskutik eskaintzen den operaren inguruko programazio didaktikoari esker.
 Arriaga antzokian umeentzako egokitutako Mozarten “Txirula magikoa” opera ikusteko aukera izan zuten. Aurretiz ikastolan landuta zuten istorioa, pertsonaiak, konposatzailea e.a.
Emanaldi zoragarria eta gero,  Arenalean jan genuen, bertatik Guggemheim inguruan dagoen parkera abiatzeko.

Puppirekin argazki bat atera eta gero, etxerarako bidea hartu genuen egun polit bat pasatu eta gero.

2015/03/17

GERNIKA KESB TALDEKO JOKALARIAK IKASTOLAN

argazki gehiago (+) hemen

Atzo, Gernika KESB taldeko jokalariak diren Araia Peña, Judith Monasterio eta Bernice Mosby-rekin egoteko aukera izan zuten DBH 2. mailako ikasleek.
Saskibaloi taldeak egindako eskaintza, gogotsu onartu ondoren, gure neska-mutilek eurekin elkarrizketatxo bat izan zuten eta baita elkarrekin saskibaloian jokatzeko aukera.

2015/03/04

ZINEMA PROIEKTUA

DBH 1. mailako ikasleok aurton  aukera izan dugu zinema proiektuan parte hartzeko. Esperientzia oso polita eta gomendagarria izan da. Pelikula bat filmatzeko zenbat lan egin behar den ikasi dugu: zuzendariak, kamarak, mikrofonistak, argiaren arduradunak, klaketariak, skript-ak, antzezleak… Denak direla garrantzitsuak ikasi dugu. Gainera, eguraldi aparta izan dugu  eta horrek   Sukarrietaz gozatzeko aukera eman digu.

Eskerrak eman nahi dizkiegu bertako irakasle eta arduradun guztiei oso ondo tratatu baikaituzte. Beste batera arte!!!

ARATUSTEAK ETA INAUTERIAK, JAI EGUNAK IKASTOLAN

Otsailaren 8an  "Harri Bitxiak" taldeko kideek Txitxiburduntzi eguna ospatu genuen ikastolan eta otsailaren 14an Inauteri eguna. Txitxiburduntzi eguna lehen hezkuntzako ikasleentzat prestatu genuen eta Inauterietan 4 urte, 5 urte eta Lehen Hezkuntzakoek parte hartu zuten. Jai hauetan hainbat jolas eta ekintza egin genituen eta ederto pasatu genuen! Txitxiburduntzi eguneko ekitaldian egun ederra izan genuen eta goizerik hasita arratsaldera arte hainbat ekintza eta jolas egin genituen. Ikastolan bazkaldu ondoren, arratsaldean txitxi-burruntzia antolatu genuen. Ikasle bakoitzak bere txorizoa erre eta ogi tartean jan zuen.
Otsailaren 14an  Inauteri egunean,  15:30etik 18:30era, umeek gozatu zuten  hainbat jolas, ekintza, desfileak … egin ostean. Txokolatea ere hartu genuen denok askarirako.

Primeran atera ziren egun biak! Eskerrik asko gurekin parte hartu duzuen guztioi! 

AZTI-TEKNALIA INSTITURA BISITALDIA

DBH 3. mailako ikasleek aukera paregabea izan dute Txatxarramendiko AZTI-TEKNALIA institutuan,  gure itsasoko biodibertsitatea ezagutzeko. Praktikan ipini dute ikasitakoa arrainak disekzionatuz, eta osteolitoak behatuz mikroskopioan. Madariaga dorretxean bukatu zen irteera biodibertsitatearen ezagutzari azken ikutua emanez.

MADAMA BUTTERFLY OPERAREN PRESTAKUNTZA

Otsailaren 20an, DBH 1. mailako ikasleok Euskalduna Jauregia bisitatu genuen Madama Butterfly operaren prestakuntza lanak edo backstage-a ezagutzeko. Jostundegia, kamerinoak, entsegu-aretoak eta agertokia ikusi genituen. Egun horretan dekoratua ipinita zegoenez, antzokia leku ezin hobea bihurtu zen bertatik bertara ikusi ahal izateko opera-ikuskizun batek dakarren guztia.

2015/02/20

Hezkuntz Marketing-eko V. Nazioarteko kongresua

Bilboko Elizbarrutiko zuzendariak Hezkuntz Marketing-eko V.Nazioarteko kongresuan parte hartzen egon dira otsailaren 19 eta 20an Valentzian. Jardunaldi interesgarri hauetan estrategia berriak ikasi dituzte.

2015/02/13

EGUEN ZURI IRIN ARTEAN!!

Inauteriak badatozela-eta, ikastolako txikitxoenek eta gurasoek TORRADA-JANA izan zuten. Sukaldari gaztetxoek moldeak erabili zituzten torradei forma bereziak emateko eta gero irinetan pasatu ondoren, frijitzeko prestatu zituzten.

Azukre eta kanela apur bat bota eta gozo-gozo torradak!!

BEHIAREN BIHOTZA AZTERTZEN

DBH 2. mailako ikasleek behien bihotzen disekzioa egin zuten  Sciences-eko klasean. Ugaztunen bihotzaren atal guztiak eta zirkulazio-aparatua nola funtzionatzen duen azaldu ziguten zientzialari gazte hauek.