2015/02/20

Hezkuntz Marketing-eko V. Nazioarteko kongresua

Bilboko Elizbarrutiko zuzendariak Hezkuntz Marketing-eko V.Nazioarteko kongresuan parte hartzen egon dira otsailaren 19 eta 20an Valentzian. Jardunaldi interesgarri hauetan estrategia berriak ikasi dituzte.

2015/02/13

EGUEN ZURI IRIN ARTEAN!!

Inauteriak badatozela-eta, ikastolako txikitxoenek eta gurasoek TORRADA-JANA izan zuten. Sukaldari gaztetxoek moldeak erabili zituzten torradei forma bereziak emateko eta gero irinetan pasatu ondoren, frijitzeko prestatu zituzten.

Azukre eta kanela apur bat bota eta gozo-gozo torradak!!

BEHIAREN BIHOTZA AZTERTZEN

DBH 2. mailako ikasleek behien bihotzen disekzioa egin zuten  Sciences-eko klasean. Ugaztunen bihotzaren atal guztiak eta zirkulazio-aparatua nola funtzionatzen duen azaldu ziguten zientzialari gazte hauek.

2015/02/03

“KIMIKA BIZIRIK” 2015

         
 DBH 4.mailako FISIKA eta KIMIKAko ikasleek Leioako Zientzia eta Teknologia Fakultateak antolatutako “Kimika Bizirik” saioetan hartu dute parte aurten ere.
          Proiektu honen helburu nagusia ikasleek Zientziarekiko eta, bereziki, Kimikarekiko duten interesa sustatzea da.

         Bertan, EHU/UPV ko irakasleen begiradapean zenbait esperientzia egin zituzten eta bertako irakasleek egindako demostrazio-saiakuntza batzuekin bukatu genuen ekitaldia.

DIGESTIO-APARATUA AURREZ-AURRE EZAGUTZEN.

Hona hemen joan den abenduan DBH 3. mailako ikasleek egindako praktikak.  Zirujau lanetan ibili ziren; izan ere, ugaztunen digestio-aparatua lantzeko saguak disekzionatu zituzten eta ikus dezakezuenez ikasleek primeran pasatu zuten! Esan beharra dago sagu hauek Basondoko hegazti harraparien jaki direla. Beraz, disekzioa egin ostean,  Basondora eraman genituen. Eskerrak eman nahi dizkiegu Basondoko arduradunei eskainitako laguntzagatik.