2013/12/20

GABONEI ONGI-ETORRIA EMAN ETA URTE ZAHARRARI AGUR ESAN DIOGU.

Olentzero gure umetxoen eskutitzak jasotzera etorri zaigu.

Ikastolan elkartu gara guraso, amuma-aitita, ikasle, irakasle eta langileak jai ederra ospatzeko. Gabon aldi honetarako gure eskaintza agertu dugu: Gabon kantak, euskal dantzak, dantza modernoa eta txistu emanaldia izan dira giroa berotu dutenak. Eta zelan ez!! OLENTZERO ere hemen izan dugu zintzo-zintzo gure umetxoekin egoteko.  

OLENTZERO ETA MARI DOMINGI


Hemen gaude haur hezkuntzako lehenengo zikloko ikasleak Olentzero eta Mari Domingiri ongi etorria ematen.  Zer nolako poztasun eta irrika aurpegiak dituzten!!!

BIDELAGUN. Gabonetako postala

Urtero legez, BIDELAGUN elizbarrutiko ikastetxeetako guraso elkarteen
federazioak antolatzen duen  gabonetako postala diseinatzeko lehiaketan parte hartu ondoren,  DBHko 2. mailako  KERMAN DE LA FUENTE ikasleak bigarren saria eskuratu du.

Abenduaren 18an Begoñazpi Ikastolan banandu ziren sariak ete hemen dituzue ekitaldi hartako hiru argazki.

2013/12/19

EITB- ARTE EDERRETAKO MUSEOA

Abenduaren 17an DBH 4.mailako ikasleak EITBko instalazioak ikustera eta irrati-saioa zuzenean entzutera joan  ziren.  Jan ostean Darío de Regoyos margolariaren erakusketa ikusi zuten Arte Ederretako museoan.

GABONALDIA PRESTATZEKO ANTZERKIAK IKASTOLAN

LH 1.eta 2. mailako ikasleek antzerki ikusgarriak eskaini dituzte ikastolan, HH, LH 3 eta 4. mailako ikasleentzako! Oso saio alaia eta polita izan da eta denok primeran pasatu dugu!

GABON EKITALDIA LIZEOAN


Abenduaren 12an, ostegunez, LH 1 eta 2 ko ikasleek, 6.mailako txistulariek eta dantza taldeko nagusiek beraien saioa eskaini ziguten Lizeo Antzokian. 3 antzerki izan ziren eskainitakoak, dantza eta txistu emanaldiekin tartekatuz. Ekitaldia gurasoei zuzenduta egon zen eta Gabon giro eder bat bizi izan genuen.


Aipatu behar, 1.go mailakoek Muxika eta Bermeora joan zirela beraien antzerki-saioak eskaintzera. “ La tourne de Maraville”.

URKIOLAKO PARKE NATURALA EZAGUTZEN!!

Azaroaren 27an LH 5. mailako ikasleak Urkiolara joan ziren. Irtenaldiaren helburua Urkiolako Parke Naturalari buruzko ikuspegi orokorra jasotzea zen baita natur ingurunea zaintzeak duen garrantziaz jabetzea.
Ekintzen artean honako hauek zeuden: ibilbide didaktikoa, ikus- entzunezkoa eta erakusketa, Urkiolako fauna eta florari buruzko jolasa eta  hegaztien identifikazioa prismatikoekin.
Egun zoragarria izan zutela argazkietan ikus daiteke.

IGERIKETAN GOZATUZ!

LH 2.ziklokoak aurton ere igerilekura joan gara eta  igeriketa modua hobetzeaz gain, primeran  pasatu dugu!!

2013/12/13

ELIKAGAIEN BANKUAREKIN ELKARLANEAN!!

Joan den azaroaren 30ean, zapatuz,  Elikagaien Bankuak bultzatutako ekimenean parte hartu genuen.  Ikastolako irakasle bat eta DBH 3. mailako 6 ikasle borondatez aritu ziren lanean janari bilketan zapatuko goiz partean.

XII. ESKOLA KATOLIKOEN KONGRESUA VALLADOLID-EN: ESKOLA SORTZAILEAK (ekin, parte- hartu eta zentzua eman)

San Fidel   Ikastolak, Elizbarrutiko beste Ikastetxeko ordezkari batzuekin batera,  azaroaren 21, 22 eta 23an Valladoliden izandako “Eskola Sortzaile” kongresuan parte hartu du, bertan Estatuko 1.200 lagun baino gehiago egon da.
 XXI. mendeko Hezkuntzari buruzko hainbat jakintsu ospetsuenen iritzi eta hausnarketak entzuteko aukera izan dugu, besteak beste, Carla Rinaldi, Juan Carrión, Greg Whitby, Dolors Reig, Mario Alonso, Alfredo Hernando, Cristian Felber eta José Carballoren hitzak.
Ikusi eta entzundakoaren balorazioa oso ona izan da. 
Hauek dira  garatu diren gaietatik  hiru ardatz nagusi:
1.      BALOREAK, Hezkuntzaren ardatz dira.
2.      TEKNOLOGIAren garrantzia gure ikasleen ikasketa prozesuan azpimarratu beharrekoa da.
3.      Hezkuntza prozesuan, Irakaskuntzak  PERTSONA izan behar du ardatz. Irakasleak, ikasleek ikas dezaten, estilo eta estrategia anitz jakin eta erabili behar ditu.

Ekinean ibili gara egun hauetan, batetik,  hausnarketa eta ezagutza berriak egiteko beta izan dugulako, bestetik Hezkuntzan bikaintasunera jotzeko, aurrera pausuak eman ditugulako. 

2013/12/10

KIDS GUERNICA EKIMENEAN IKASTOLAK EGINDAKO MARGOLANA IKUSGAI MIJAS-en.

Mijas-en lehen japoniarrak Espainiara heldu zireneko 400. urteurrena ospatu dute. “Hurbildu Japonera” izan dute eslogan moduan . Hainbat ekimen bideratu dituzte eta horien artean  Kids Guernica erakusketa txiki baten antolaketa izan da. Horretarako Gernikako Bakearen museoarekin jarri ziren kontaktuan eta euren aukeratutako hiru lan bialdu zaizkie : 1-Okinawa-n egin zena, 2- Gernikan egin zena  2003an eta 3- San Fidel Ikastolak iaz egin zuena. Harro gaude egindako lanaz.

LH 3. MAILAKOEK AZTERKOSTA PROIEKTUA BURUTU DUTE

2013ko azaroaren 29a.

AZTERKOSTAren bidez gure ikasleek itsasbazterraren berezitasunak ezagutu dituzte. Horrez gain, honek dituen arazoak ezagutu dituzte eta  kostaldeko gune naturala babesteko beharraz jabetu dira.

Azterkostaren bidez asmoa kostaldearen ahalik eta zatirik handiena aztertzea izan da eta ikasleei  beharrezko materiala eman zaie  irtenaldia egiteko: mapa, datuak biltzeko galdetegiak, uraren analisia egiteko materiala eta abar.

Ekintza hezitzailea eta dibertigarria izan da!!!


2013/12/05

EUSKARAREN EGUNA IKASTOLAN

Euskararen Nazioarteko Eguna aitzakitzak hartuz ikastolan ere egun hau ospatu dugu ikasle guztiek partaidetzaz.  Euskaraen aldeko manifestua eta konpromisoa irakurriz hasi zen ospakizuna, gero ikastolako “bertsolari” txikiek kopla batzuk egin ondoren maila guztietako umeek karaokearen bidez euskal kantak abestuz jarraitu zuen egunak.

2013/12/04

EUSKARAREN NAZIOARTEKO EGUNA

Euskararen Nazioarteko Eguna dela eta, hainbat jarduera izan dira Busturialdean. Gernika-Lumon, adibidez, Berbalagunek antolatuta 11 orduko irakurraldia egin dute  hirugarrenez, oraingoan Edorta Jimenezen Baleen berbaroa-gaz. Elai-Alai aretoko gela txikian aritu dira gure DBH 4. MAILAKO IKASLEAK  liburu hori irakurtzen. 

2013/12/03

EUSKARAREN EGUNA


                                     Egilea: Beñat Fernandez   DBH3

EUSKARAREN EGUNA


                                                  Egilea: Julia Alvarez DBH3

EUSKARAREN ALDEKO DEKALOGOA


Ikastolan, euskaraz gain, gaztelania, ingelesa eta frantsesa ikasten ari naiz, eleanitza izatea berasgarria da. Baina inoiz ez dut ahaztuko euskalduna naizela eta euskaraz hitz egingo dut.
2. Euskaldunak garela eta euskaraz bizi nahi dugula aldarrikatzen dugu.
3. Euskararen erabileraren aldeko ekimenetan partaide izango naiz eta ikastolan, ikastola eta herria euskaldunduz.
4. Ordenagailua eta sakelako telefoneen hizkuntza euskarara aldatuko dut.
5. Euskaraz entzuten ditudan hitz berrien esanahia ikasten ahaleginduko naiz.
6. Euskara bizirik justu-justu iraun duen hizkuntza ezagutzeko aukera izan dudalako, euskara ongi ikasteaz gain, harrotasunez erabiliko dut erderakadarik bota gabe.
7. Nire herrian euskaraz funtzionatzen duten zerbitzuak (telebista, irradia …) euskaraz ikusten eta entzuten ahaleginduko naiz ahal dudan guztietan.
8. Euskara euskaldunon euskal arima da.
9. Hizkuntza batekin lau gauza egin daitezke: hitz egin, irakurri edota produktuak erosi eta dastatu. Hori euskararekin ere egin daiteke.
10. Noizbait norbaiti gazteleraz hitz egiten entzuten badiogu jakinda euskaraz badakiela, euskaraz hitz egiteko esango diogu.
11. Gu baino gazteagoekin euskaraz egingo dugu.
12. Euskaraz jakin arren gaztelaniaz hitz egiteko ohitura duenarekin, bere eta denon onerako euskaraz jarraituko dut, Artze poetak esandakoa gogoratuz: “Hizkuntza bat ez da galtzen ez dakitenek erabi,……………”
13. Nire inguruan bizi diren kultura eta hizkuntza guztietara zabalik banago ere, Euskal Herriko kultura eta hizkuntza maiteko ditut.
14. Guk euskaraz hitz egiten badugu, gazteagoek ere egingo dute.
15. Euskarak beste hizkuntza garrantzitsuen maila berean egon behar du.

16. Euskara gure altxorra da. Harro sentitu euskaraz hitz egitean.
17. Euskara zertarako? Euskaldun izateko. Kultura ekarle dugu. Kantaria da euskara. Matematikoa eta logikoa da euskara. Poetikoa da euskara.
18. Euskalherrian oraindik egiteko dagoen iraultzarik handiena euskararen normalizazioa da.
19. Euskaraz zuzenduko gara jendearengana. Ez badaki, esango digu.

2013/11/26

ZIENTZIA ARLOKO ERAKUSTALDIA IKASTOLAN

LH 6. mailako eta DBH 2. mailako ikasleek Sciences arloan egindako proiektuak ikusgai daude idazkaritzan. Proiektua hauen bitartez  nahi izan dugu  ikasleek inguruan gertatzen diren fenomenoei buruzko galderak egitea, jakinmina sortzea eta era berean modu kreatiboan ikastea.
Erakusketa abenduaren 5era arte egongo da.
Etorri eta ikusi. ¡Merezi du!
            Honekin batera jakinarazi nahi dizuegu Haur Hezkuntzako ikasleek egindako Zientzia Proiektuen argazkiak ere ikusteko aukera duzuela HHko Blogean eta baita HHko  eraikuntzan

SANTA ZEZILIA EGUNA OSPATU DA TXISTU TALDEAREN ESKUTIK



Musikarien eguna den Santa Zezilia eguna ospatzeko, joan den azaroaren 21ean,   6. mailako ikasleek txistu kontzertua eskaini zuten. Ekitaldia arratsaldeko 5:30ean, ikastolako kiroldegian izan zen ikusi eta entzun nahi zuten guztientzat. Hamar kanta eskaini zizkiguten eta  haien artean, Gabon jaiak hurbil ditugula, Gabon kanta bi; hori bai, kolorea emanez. Eskerrik asko ikasle hauei saio guztiz ederra izan zelako.

EUSKALDUNA JAUREGIAN OPERA PROGRAMAREKIN

ABAOren eskutik eskaintzen zaigun opera-programa baten barruan gaudenez, eta LH 6. mailan egiten denari jarraipena emanez, goizez, DBH 1 mailako ikasleak Euskalduna jauregia bisitatu dugu.
         Verdiren opera famatua den “Rigoletto” estreinatzeko izan direnez,  guk aukera aparta izan dugu ezagutzeko opera baten atzean dagoena,  hau da, backstage izenez  ezagutzen dena.
         Lehenengo,  entseguak  egiten diren gelara eraman gaituzte, gero atrezzo eta makiletako gelak ikusi ditugu.Abeslari famatuen aldageletara sartzeko aukera ere izan dugu.
         Amaitzeko eszenatokian izan gara, hori bai,  ixil-ixilik  azkeneko frograk egon direlako egiten arratsaldeko entsegu nagusirako.
         Benetan zein lan ikaragarria dagoen opera baten atzetik!

2013/10/23

LEHEN HEZKUNTZAKO 1. eta 2. MAILAKO IKASLEAK SUKARRIETAN

Urriaren 18an ikasle gaztetxo hauek Sukarrietara joan ziren Agenda 21 proiektuarekin lotutako ekintza bat burutzera. Bertan Txatxarramendiko irlaren landaretza aztertu zuten. Hainbat landare ezagutzeko aukera izan zuten.
Eguraldi zoragarria izan zuten benetan goizaz gozatzeko. Eta zelan ez, atsedentxo bat hartu zuten bertako frontoian jolasteko.

Goiz laburra baina polita benetan!

2013/10/18

SAN FIDELETIK OINEZ ARTEAGAKO BIRD CENTER-era

Pasa den asteazkenean, urriak 16, DBH 3. mailako ikasleak  Oka egaletik dagoen ibilbideaz gozatu zuten Gernikatik irten eta Kortezubiraino. Handik Arteagara laister batean heldu eta Bird Center-eko monitoreak zituzten zain gure inguruko aberastasunez berba egiteko:
 Migrazio paseak
Paduretako ekosistemen garrantzia
Babestutako espezieak
Berreskuratutako espezieak….

Horrez gain, une honetan migrazioan dauden hegaztiak ikusteko aukera izan zuten bertan dauden behatokietatik.

2013/10/15

ARMAÑONGO PARKEA ETA POZALAGUA

                                                                            argazkiak (+) 
Urriaren 10ean 6. mailako ikasleak Karrantzara joan ziren Armañon Parke Naturala eta Pozalaguako koba ikustera. Heldu ginenerako, bisita gidatzeko monitoreak zain izan genduzan Raneron. Handik oinez abiatu ginen Pozalaguako koben aurrean kokatuta dagoen interpretazio gunerantz. Hasieran eguraldi ona izan gendun eta ingurua astiro ezagutu eben gidariak prestatutako ariketak egiten ebezan bitartean. Heldu baino lehen, ostera, euria eta lainoa sartu eta ez gendun han goitiko ikuspegiaz gozatzeko aukerarik izan.
Bazkaldu aurretik parketxearen barruan dagozan areto desberdinetan azalpenak jaso ebezan. Euria zala eta barruan bazkaldu behar izan gendun. Ondoren, Pozalaguan sartu ginen monitore baten gidaritzapean  eta bertan gordetzen diren bazter zoragarriak bertatik bertara ikusi genduzan.

2013/10/10

2013ko URRIKO LEHENENGO ASTELEHENA


LH 4. mailako neska-mutilak aurton ere animaliak eta baserriko produktoak ikusten joan gara. Oso ondo pasa dugu  eta aurtongo erakustaldia ezin hobea iruditu zaigu.

2013/10/08

URRIKO LEHENENGO ASTELEHENA OSPATZEN

Urtero legez, LH 1.mailako ikasleak Urriko  Lehenengo Astelehenean ospatzen den ganadu azoka bisitatu dute. Bisita laburra izan bada ere, umeek asko disfrutatu dute.

DBH 4.mailakoak ZIENTZIAREKIN SOLASEAN! 2013

Donostia International Physics Centerrek  (DIPC-k) antolatutako ZIENTZIAREKIN SOLASEAN! 2013 edizio berrian Nobel saridun eta Bigarren Hezkuntzako ikasleen arteko topaketan parte hartu dugu aurten ere  UPV-EHUko  Bilboko Bizkaia aretoan.

                   Topaketa hauen helburua, zientzia eta teknologia ikasketei begirako bokazioak sustatzea da.

                  Azkenengo edizio honetan, Dudley Herschbach Kimika Nobel saria , Sir John Pendry Fisika arlokoa  eta Pedro Miguel Etxenike moderatzaile lanetan aritu ziren.


                  Bertan izan ziren DBH 4.mailako Fisika eta Kimikako ikasleek zientzilarien bizipen eta ibilbide profesionalean metatutako esperientziari buruz gelan prestatutako galderak egiteko aukera paregabea izan zuten.

2013/10/03

AJANGIZ 2013

Irailaren 27an, urtero egiten dugun bezala, Lehen Hezkuntzako Eguna  ospatu genuen Ajangizen.
300  bat ikasle ,irakasle eta laguntzaileok egun osoa pasatu genuen jolasten, abesten eta dantzatzen.
Egun politte benetan!!!
                                                                argazkiak hemen                                                            

2013/09/26

GRAND TO GRAND 2013


Grand to Grand 2013
Hirugarren etapa, 84.7km.
Julen 12. postuan heldu da helmugara (15:50:26), beraz hamaikagarren dago sailkapen nagusian (27:11:57).
http://www.g2gultra.com/race-coverage/breaking-news
98 korrikalari baino ez dira gelditzen.
AUPA JULEEEN!!!

...................................................

Gura baduzue mezu bat bota, hauxe da helbidea:
http://www.g2gultra.com/race-coverage/email-a-competitor
Asunton ipini hau: JULEN URDAIBAI CALZADA 452


GRAND TO GRAND 2013


Ikastolako Heziketa Fisikoko irakaslea den Julen Urdaibai EE.BBetan dugu Coloradoko basamotuan zehar lasterketa batean. Sei etapatako lasterketa burutzen ari da.
http://www.g2gultra.com/

2013/06/28

JANTOKI EKOLOGIKOARI BURUZKO INKESTAREN EMAITZA

Ikasturte hasieran jantokiari buruuzko inkesta pasatu genuen, bertan jasotako eritziak laburtu ditugu eta hemen dituzue bilduta grafikoan.
Egindako iradokizuenei erantzuna emateko, datorren ikasturterako Askorak  informazio kanpaina bati ekingo dio jantokian.


         1-BADAKIGU PRODUKTU EKOLOGIKOAK KONTSUMITZEN DITUGULA. Estamos informados sobre el consumo d eproducto ecológico.
         2-BADAKIT TOKIKOA ETA SASOIKOA DELA. Sabemos que es de la zona y del tiempo
         3-EZAGUTZEN DITUT EZBERDINTASUNAK EKOLOGIKO ETA EZ EKOLOGIKOEN ARTEAN. Conozco la diferencia dentre los productos que son ecológicos y no lo son.
         4-LEHEN KONTSUMITZEN GENUENA BAINO HOBEAGOA DA. Es mejor que lo que consumiamos antes.
         5-PRODUKTU EKOLOGIKOAREN KONTSUMOA GUSTOKOA DA. Me agrada el consumo d eproducto ecológico.
         6-ETXEETAN P. EKOLOGIKOA KONTSUMITZEKO AUKERARIK IKUSTEN DUGU. Vemos la posibilidad de consumir producto ecológico en casa

         7.ZER PRODUKTU EKOLOGIKO KONTSUMITZEN DEN JAKIN NAHI DUT. Me gustaria saber qué  producto ecológico  se consume en el comedor.

AÑANAKO GATZ HARANEAN


LH 5 eta 6.mailako ikasleek Añanako Gatz Haranera egin dute ikasturte amaierako irtenaldia.
Bertara heldu eta hamaiketakoa egin ondoren, gatzagara joan gara, gatza lur azpitik nola atera eta ustiatzen den ikustera. Berezia eta interesgarria!!!
Eguerdian Espejorako bidea egin eta lasai-lasai bazkaldu dugu hango frontoiaren gerizpean. Bokatak jan, izozkia, jolastu… eta konturatu orduko autobusera.

Egun polita gure ikasleek igarotakoa.

2013/06/24

DONEJAKUE BIDEA BOST EGUNETAN


Joan den ekainaren 17tik 21era DBH 2., 3. eta 4. mailako 54 ikasle eta 4 irakaslek Donejakue bidea egin dugu bost etapatan.  Astelehenean Hondarribitik Donostiara egin genuen; martitzenean, Donostiatik Zarautzera; eguaztenean, Zarautzetik Debara; eguenean, Debatik Markinara; eta azken egunean, Markinatik Gernikara.
Barikuan Arratzun izan genituen gurasoak, lagunak eta irakasleak gure zain ongi-etorria emateko eta gurekin batera burutu zituzten azken zazpi kilometroak.

Bost egun hauetan euria lagun izan dugun arren, aukera paregabea izan da Euskalherriko paisaiaz gozatzeko, gure arteko harremanak estutzeko, barre batzuk egiteko, eta baita bakoitza harro sentitzeko egin duenaz. Ikasleak guztiz motibatuta sentitu dira eta esperientzia guztiz aberasgarria izan da. 

Bigarren etapa (Donostia-Zarautz-Askizu):

Hirugarren etapa (Askizu-Itziar):
Lastur-Deba:
Bostgarren etapa (Markina-Gernika):

2013/06/23

2 URTEKOEN IRTENALDIA EUROPA PARKERA


Ikasturte bukaera bazetorrela eta  udaberrria lantzen geundela aprobetxatuz, 2 urteko ume eta hezitzaileak Europako Parkera txangoa egin genuen.
Egun aproposa izan genuen eta  animaliak, landareak e.a. ikusteko aprobetxatu genuen.

2013/06/14

SANFIOLINPIADAK


Ekainaren 12an LHko lehen zikloko ikasleek “Sanfiolinpiadak” egin zituzten. Denek parte hartu zuten eta kontutan izan genuen gure esaldia: DENOK GARA TXAPELDUN!  Primeran pasatu genuen!

ARRIAGA


Pasadan ekainaren 3an LH 1. Eta 2.garren mailakoak Bilbora joan ginen Arriaga antzokira. Bertan “Enperadorearen traje berria” antzezlana ikusi genuen. Umeek asko disfrutatu zuten saio honetan.
Jaten  Leioako Akarlanda  parkera joan ginen. Bertan arratsaldea igaro genuen.

Benetan egun polita denontzat!!!

2013/06/11

SUKARRIETAKO EGONALDIA


LH4.mailako ikasleak Sukarrietako Saiakuntza Zentroan egon dira aste betez.
Bertan LURRA proiektuan murgildu dira eta lehen sektorea landu dute.

Esperientzia bikaina izan da, lagun berri mordoa egin dute eta benetan egonaldi aberasgarria izan da.

ESKOLARTEKO BERTSOLARI TXAPELKETAN


LH 6. mailako zortzi ikaslek Eskolarteko Bertsolari Txapelketan hartu zuten parte, maiatzaren 14an Eleizalde Ikastolan egindako kanporaketan.  Aurtongo ikasturtean, Ander Elortegi maisu izan dutelarik, euren lehenengo pausoak eman dituzte bertsolaritzan. Urtean zehar ikasitakoa ausardia handiz erakutsi zuten oholtza gainean, uneko beldur eta urduritasuna gaindituz.
Arratsalde polita eta esperientzia aberats eta ahaztezina bizitakoa gure neska-mutilena.
Aupa, zuek bai txapeldunak!!!   

EXCHANGE GRONINGEN –GERNIKA 2013


Aste oso bat esperientziaz beteta. Eurek eta guk, denok aukera ederra izan dugu ikasteko eta disfrutatzeko hainbat ekintzari esker.

            Elkarbizitza lantzea da helburu garrantzitsuenetariko bat.Baita demontrezko Ingelesa lantzeko aukera aparta.Baina azkenean, nik behintzat, zenbat disfrutatzen dudan gure leku zoragarriak erakusten: Izaro, Laga, Elantxobe, Bilbo … Batzuetan ez dugu baloratzen zer daukagun, egunero ikusten dugulako; baina kanpotik datorrena liluraturik geratzen da…

            Gure antzinako ohiturak izan da gure elkartrukeko gai nagusia eta horretan ere zein harro sentitu garen :
                        Gure
                                     bertsolarien lanak
                                 musika tresnak
                                 dantzak
                             janariak… erakusten.

            Agur esatean, betiko legez, negar batzuk entzun ziren. Baina hori seinale ona da, ezta?... 

2013/06/05

2012-13 IKASTURTEARI AGURRA!!


Joan den zapatuan ikastolan elkartu ginen guraso, ikasle eta irakasle festa handia ospatzeko. Jaiari kolorea eman genion hainbat ekintzari esker: txistulariak, euskal dantzak, guraso eta seme-alaben arteko futbol partiduak, umeen jokoak, paperezko jantzien lehiaketa, solidaritate proiekturako errifen sarien zozketa, herri-bazkari ederra, abestiak, umetxoen dantza modernoak, puzgarriak, talde-jokoak, dantzaldia…


2013/05/31

IKASTOLAKO ANTZEZLE, DANTZARI ETA ABESLARIEK ESKAINI DIGUTE EMANALDIA LIZEO ANTZOKIAN


Ikasturte bukaera honetan aukera izan dugu ikasleek ikasturtean zehar prestatu dituzten ikuskizunez gozatzeko.  Haur Hezkuntzako 4 eta 5 urteko umeek euren Dantza modernoko klaseak aprobetxatuz, bi dantza prestatu zituzten: Igeltxoak eta Ahatetxoak. Lehen Hezkuntzako 6. mailako ikasleek Txanogorritxoren beste istorioa antzerki-lana eskaini ziguten. Eta koruko ikasleen bost kanta entzuteko aukera izan genuen.

Eskertzekoa da denei egindako lana eta ahalegina. 

2013/05/30

LANKIDETZA JOLASAK 3.MAILAN


IZAN proiektua jarraituz, joku desberdinak martxan jarri ditugu. Ikasleek ere euren artean masajea emateko aukera izan dute.

LHko 3.mailan “BIKOTEKA IRAKURTZEN”


“BIKOTEKA IRAKURTZEN” irakurzaletasuna eta irakurketa prozesua hobetzeko asmoz burututako programa da. Azken hiruhilabetean umeak pozik aritu dira, lehenengo etxean gurasoekin batera irakurriz, eta gero gelan euren bikotekidearekin.  Guraso eta seme/alaben arteko loturak sendotzeko ere esperientzia aberasgarria izan da. 

2013/05/29

2. ESKUKO LIBURUEN AZOKA


Gaur maiatzaren 29an, aprobetxatuz Gernikako Eskola agenda 21eko Udal Foroa, liburu azokan parte hartu genuen ikastetxeok  liburu salmentatik lortutako dirua eman diogu Iparralde Hegoalde GKeko ordezkari bateri.


UDAL FOROA 12-13


Maiatzaren 29an, Gernikako Kultur-Etxean bildu dira herriko zazpi ikastetxeak urtero legez Eskola Agenda 21eko Udal Foroa egiteko. Bertan, gure ikasleek izan zuten aukera azaltzeko ikasturtean zehar landutakoa  ikastolan , eta herri jasangarriago baterantz joateko egin zituzten hainbat proposamen.

Jose Mari Gorroño  Alkateak eta bertara hurbildutako  ingurumen teknikari zein zinegotziek, txalotu zuten gure herriko gazteek egindakoa eta proposamenak aintzat hartuko zituztela esan zuten.

2013/05/27

APIRILEKO LIBURU AZOKA


Apirilaren 25 eta 26an, ikastolan 2. eskuko liburuen azoka antolatu zen. Arrakasta izugarria izan zuen eta ea 500 € bildu genituen, Angolako 3. adinekoen proiektu baterako. Honeri buruzko informazioa eta argazki gehiago hemen.

2013/05/24

STA JOAKINA EGUNA, LAINO, EURI ETA AZKENEAN… EGUZKIPEAN!!


Maiatzeko euria urria baino hobia  dio esaerak eta hala pentsatu behar ikasleek animoa eta poza ikusita ospakizunaren aurreko eta lehen orduetan. Jai eta festa izan dugu Sta. Joakina egunean.  Prestaketa lanak ilusio handiz bideratu dituzte ikasleek. HHko umeen jolas eta dantzak, txistulariak, LHko dantzari profesionalak, gozo kontuetan adituak diren LH 2. zikloko sukaldariak, sandwich originalenak prestatu dituzten LH 3. zikloko cheff-ak, patata-tortilla landuenak eskaini dizkiguten DBHko gazteak, hurrengo olinpiadetara joango diren krosseko korrikalariak….Denok elkarrekin primeran pasatu dugu. 

FOROA SAN FIDEL IKASTOLA12-13


2013/05/23

LANKIDETZA JOKOAK


Lehen Hezkuntza 3. mailako ikasleek lankidetza jokoak egiten dituzte tutoretza orduan. Maiatzaren 8an bikoteka masajeak ematen ibili ziren eta ondoren uztaiekin jolas berezi bat egin zuten. Uztai bakoitzaren barruan bi pertsona  zeuden eta musika gelditzen zen bakoitzean beste bikote batekin batu behar ziren. Azkenean gela bietako kide guztiak talde handi baten batuta gelditu ziren.