2018/05/24

ARANTZAZUKO PARKETXEA


Joan den astelehenean,  maiatzak 21,  DBH 1. mailako ikasleok Arantzazuko paisaia aztertzeko eta gozatzeko aukera izan genuen. Arratsalde parterantz  , Oñatiko Natur Eskolan,  Euskal Herriko  harri eta mineralen tailerra  burutu ostean etxerantz bueltatu ginen. 

2018/05/23

GORA SAN FIDELEKO BERTSOLARIAK!!!!

Garriko Bertso Eskolak antolatuta, XXXI. Garriko Eguna ospatu dute domekan, Muxikako Ariatza auzoan. Bat-bateko bertso idatzien lehiaketa honetako B kategorian (DBH1 eta DBH 2), gure ikastolako Jokin Ansotegik eta Ismael Aomarrek  lortu dituzte lehen eta bigarren sariak eta Mikel Arrizabalagak aipamena izan du. Bestalde, D kategorian (DBH 3. mailatik aurrera)  Janire Arrizabalagak ere aipamena izan du. Zorionak denoi eta eskerrik asko euskararen alde egiten duzuen lanagaitik!!!

GAUBELA



Maiatzaren 18-19 bitartean GAUBELA bat bizi genuen ikastolan DBH 2. mailako ikasleekin. Jardueraren helburua gure ikasleak euskararen erabileran eta erabilera horren hausnarketan AKTIBATZEA  izan da . Poz-pozik hartu zuten erronka eta aurreko asteetan gustora aritu ziren  13 ordu horietarako ekintzak prestatzen: jokoak, euskal karaokea /dantzaokea eta  hainbat gauza gehiago.
Barikuan  gaueko zortzietan sartu ginen ikastolan eta maiatzaren  19an gosaria hartu eta gero, goizeko bederatzietan joan ginen etxerantz.  Gaua luzea eta emankorra izan zen.
Zuen bihotzetan betirako iraun dezala !




AMSTERDAM BISITATU DUGU


Sei egun dira Holandara heldu ginela. Apur bat bertokotu gara. Gaur hiriburura joan gara. Rijks museoko margolan ezagunenak ikusi ditugu, Rembrantenak barne, eta bertako kale eta bazterretako giroaz gozatzeko aukera aparta izan dugu.

2018/05/21

HERBEHERETAN GAUDE!


Ostegunean heldu ginen  martxoan Gernika bisitatu zuten holandar ikasleekin egoteko. Ongi-etorri ezin hobea izan genuen. Aste batez aukera izango dugu euren eskola, ohitura, janari, inguru, lagunak...ezagutzeko. Ingelesa praktikatu eta hainbat eta hainbat gauza ikasiko ditugu.


2018/05/09

GU BE ZUEK GARA

2018/05/07

GLOBOAN MUNDUAN ZEHAR!

4 urteko umeok Bidaia globoan munduan zehar proiektua burutzean garraiobideen mapa mentala egin ostean,  etxetik ekarritako garraiobideak sailkatu eta gure maketan kokatu ditugu. 3 eta 4 urteko umeen proiektuak bateratuz osotu dugu gure maketa. 

2018/05/02

BIZKAIDATZ TXIKIA IV 2017-2018

Hau poza! Gaur berri alaiarekin jaiki gara. Bizkaidatz Txikia IV 2017-2018 sariaren epamahaiak Janire Arrizabalagaren kontakizuna aukeratu du,  gazteentzako lehen saria gaztelaniazko modalitatean. Toti Martínez de Lezeak hasitako El secreto de la isla kontakizunari  jarraipena ematea izan da lehiaketaren xedea. Eta berak lortu du!

Hona hemen parte hartu dutenen argazkia. Zorionak danori!